പത്തനംതിട്ട: ഓണാഘോഷ പരിപാടിക്കിടെ യുവാവിനെ മദ്യകുപ്പി കൊണ്ട് സഹോദരന്മാരുടെ ആക്രമണം. റാന്നി പെരുനാട് അത്തിക്കയത്താണ് സംഭവം.
നാറാണംമൂഴി സ്വദേശി ലിബുവിനെയാണ് കക്കുടുമണ് അത്തിക്കയം കണ്ണമ്പള്ളി സ്വദേശികളായ നിതിൻ ബിനു (24) സഹോദരൻ നിഖില് ബിനു (22) എന്നിവർ ഒരു ബ്രാണ്ടി കുപ്പി പൊട്ടിച്ച് കുത്തി പരിക്കേല്പ്പിച്ചത്.
ഞായറാഴ്ച രാത്രി 11.15 ഓടെയായിരുന്നു സംഭവം. പെരുനാട് അത്തിക്കയം റോഡില് ഓണാഘോഷ പരിപാടികള്ക്കിടെ മദ്യപിച്ച് എത്തിയ സഹോദരങ്ങള് പ്രശ്നമുണ്ടാക്കുകയും, അവിടെ കൂടിയവരോട് വാക്കുതർക്കത്തിലേർപ്പെട്ടു. ഈ സമയം സമീപത്തുനിന്ന യുവാവിനെ മദ്യക്കുപ്പി കൊണ്ട് ആക്രമിക്കുകയായിരുന്നു.
പരിക്കേറ്റ യുവാവ് തിരുവല്ലയിലെ സ്വകാര്യ ആശുപത്രിയില് ചികിത്സ തേടി. പെരുനാട് പൊലീസ് പ്രതികളെ പിടികൂടി കോടതിയില് ഹാജരാക്കി റിമാൻഡ് ചെയ്തു. SI മാരായ മിഥുൻ അശോക് , കൃഷ്ണൻകുട്ടി , എസ്സിപിഒ മാരായ രാജേഷ് പിബി, ബിജു വിശ്വനാഥൻ ,സിപിഒമാരായ പ്രസാദ് എസ്, അനൂപ് വിജയൻ , രാംപ്രകാശ് ഇഎം, സുധീർ , അനന്ദു എം എന്നിവർ അടങ്ങിയ സംഘമാണ് പ്രതികളെ അറസ്റ്റ് ചെയ്തത്
