ഡൽഹി: തെരഞ്ഞെടുപ്പ് സുതാര്യതയെക്കുറിച്ചുള്ള ചോദ്യങ്ങളില്‍ നിന്ന് ബിജെപിക്ക് ഒഴിഞ്ഞുമാറാനാകില്ലെന്ന് പ്രതിപക്ഷ നേതാവ് പിണറായി വിജയൻ.
തെരഞ്ഞെടുപ്പ് സുതാര്യതയില്‍ ഉത്തരവാദിത്തം ആവശ്യപ്പെടുന്നവരെ ഭരണകൂടത്തിന്റെ അടിച്ചമർത്തലിലൂടെ നിശ്ശബ്ദരാക്കാനാകില്ലെന്നും സാമൂഹിക മാധ്യമങ്ങളില്‍ പങ്കുവെച്ച കുറിപ്പില്‍ അദ്ദേഹം പറഞ്ഞു.
ഡൽഹിയില്‍ ജനാധിപത്യത്തിന് നേരെ മോദി സർക്കാർ ക്രൂരമായ അടിച്ചമർത്തല്‍ നടത്തുകയാണ്. പ്രതിഷേധക്കാരെ കസ്റ്റഡിയിലെടുക്കുന്നു.
പ്രക്ഷോഭം റിപ്പോർട്ട് ചെയ്യുന്ന മാധ്യമപ്രവർത്തകരെപ്പോലും പിടിച്ചുകൊണ്ടുപോകുന്നു.
ഭരണകൂടം തെരഞ്ഞെടുപ്പ് സുതാര്യതയെക്കുറിച്ചുള്ള ചോദ്യങ്ങള്‍ക്ക് മറുപടി നല്‍കാതെ ഒഴിഞ്ഞുമാറുകയാണെന്നും ഭരണഘടനയെയും വോട്ടവകാശത്തെയും സംരക്ഷിക്കാനുള്ള പോരാട്ടത്തില്‍ നിന്ന് പിന്മാറില്ലെന്നും പിണറായി വിജയൻ പങ്കുവെച്ച കുറിപ്പില്‍ വ്യക്തമാക്കി.
