തിരുവനന്തപുരം: ഇൻസ്റ്റഗ്രാം വഴി പെൺകുട്ടിയുമായി പരിചയപ്പെട്ട് പ്രണയം നടിച്ച് ലോഡ്ജിലെത്തിച്ച് പീഡിപ്പിച്ച കേസിൽ
യുവാവ് മെഡിക്കൽ കോളേജ് പോലീസിന്റെ പിടിയിലായി. വട്ടിയൂർക്കാവ് വെള്ളക്കടവ് സിഎസ്ഐ ചർച്ചിന് സമീപം കടയ്ക്കൽ പുത്തൻവീട്ടിൽ പോൾസന്റെ മകൻ നിതിൻ പോൾ ആണ് അറസ്റ്റിലായത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
പരാതിക്കാരിയായ പെൺകുട്ടിയെ ഇൻസ്റ്റാഗ്രാമിലൂടെയാണ് പ്രതി പരിചയപ്പെട്ടത്. സൗഹൃദം നടിച്ച് പിന്നീട് പ്രണയബന്ധത്തിലാക്കുകയായിരുന്നു
. തുടർന്ന് പെൺകുട്ടിയെ മെഡിക്കൽ കോളേജ് പരിസരത്തുള്ള ലോഡ്ജിലേക്ക് കൂട്ടിക്കൊണ്ടുവരികയും മദ്യം കലർത്തിയ വെള്ളം കുടിക്കാൻ നൽകി അവശയാക്കുകയും ചെയ്തു. തുടർന്ന് പെൺകുട്ടിയെ ക്രൂരമായ ലൈംഗിക പീഡനത്തിന് ഇരയാക്കുകയായിരുന്നു. പീഡന ദൃശ്യങ്ങളും ചിത്രങ്ങളും മൊബൈൽ ഫോണിൽ പകർത്തിയ പ്രതി, ഇവ കാണിച്ച് പെൺകുട്ടിയെ നിരന്തരം ഭീഷണിപ്പെടുത്തുകയും ചെയ്തു.
പ്രതിയായ നിതിൻ പോളിനെതിരെ വട്ടിയൂർക്കാവ് പോലീസ് സ്റ്റേഷനിൽ നേരത്തെ കഞ്ചാവ് കേസ് നിലവിലുണ്ടെന്ന് പോലീസ് അറിയിച്ചു. എസിപി സുരേഷിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ സിഐ ഗിരിലാൽ, എസ്ഐമാരായ വിപിൻ, തോമസ്, മുഹമ്മദ് യാസീൻ, ദിലീപ് കുമാർ, അനിൽ, എഎസ്ഐ ജ്യോതി, സിപിഒമാരായ നൗഫൽ, അരവിന്ദ്, വിമൽ, സുമേഷ്, അരുൺ, ഹരി എന്നിവരടങ്ങിയ പോലീസ് സംഘമാണ് പ്രതിയെ വലയിലാക്കിയത്.
