തിരുവല്ല: പത്തനംതിട്ട തിരുവല്ലയില്‍ പ്രായപൂർത്തിയാകാത്ത പെണ്‍കുട്ടിയെ വീട്ടില്‍ അതിക്രമിച്ചു കയറി കടന്നു പിടിക്കാൻ ശ്രമിച്ച യുവാവ് അറസ്റ്റില്‍.
തിരുവല്ല വെണ്‍പാല പുതുവല്‍ വീട്ടില്‍ ദിലീപ് കുമാർ ( 40)നെയാണ് തിരുവല്ല പൊലീസ് അറസ്റ്റ് ചെയ്തത്. പൊലീസ് കേസെടുത്തതോടെ ഇയാള്‍ ഒളിവില്‍ പോയിരുന്നു. മുത്തശ്ശിക്ക് ഒപ്പം താമസിച്ചിരുന്ന പെണ്‍കുട്ടിയെയാണ് ഇയാള്‍ വീട്ടില്‍ ആളില്ലാത്ത തക്കം നോക്കിയെത്തി കടന്നുപിടിച്ചെന്നാണ് പരാതി. ആക്രമണത്തെ തുടർന്ന് പെണ്‍കുട്ടി പൊലീസില്‍ പരാതി നല്‍കി. പൊലീസില്‍ പരാതിപ്പെട്ടതിന് ഇതിന് പിന്നാലെ പ്രതി ഒളിവില്‍ പോയിരുന്നു.
തുടർന്ന് പൊലീസ് വ്യാപകമായ നടത്തിയ തെരച്ചിലിനൊടുവില്‍ പ്രതിയെ അറസ്റ്റ് ചെയ്യുകയായിരുന്നു. ദിലീപ് ഡ്രൈവറായി ജോലി ചെയ്യുകയാണ്.കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു. അതേസമയം ദിലീപ് കുമാർ യൂത്ത് കോണ്‍ഗ്രസ് കുറ്റൂർ മണ്ഡലം കമ്മിറ്റി ഭാരവാഹി ആണെന്ന തരത്തില്‍ സാമൂഹിക മാധ്യമങ്ങളില്‍ പ്രചരിക്കുന്ന വാർത്തകള്‍ തികച്ചും അടിസ്ഥാന രഹിതമാണെന്നും ഇയാള്‍ക്ക് കോണ്‍ഗ്രസിന്റെയോ യൂത്ത് കോണ്‍ഗ്രസിന്റെയോ യാതൊരു ഭാരവാഹിത്വവും ഇല്ല എന്നും കോണ്‍ഗ്രസ് കുറ്റൂർ മണ്ഡലം പ്രസിഡണ്ട് പോള്‍ തോമസ് അറിയിച്ചു.
