ഇലക്ഷൻ കമ്മീഷണറുടെ രാജി ആവശ്യപ്പെട്ട് ഐ.എൻ.ടി.യു.സി കോട്ടയത്ത് മാർച്ച് നടത്തി:കെ.പി.സി.സി ജനറൽ സെക്രട്ടറി ഫിലിപ്പ് ജോസഫ് ഉദ്ഘാടനം ചെയ്തു.

കോട്ടയം: രാജ്യത്തിന്റെ ജനാധിപത്യവും പൗരാവകാശവും സംരക്ഷിക്കുവാൻ ചീഫ് ഇലക്ഷൻ കമ്മീഷണർ ഗ്യാനേഷ് കുമാർ രാജി വെക്കണമെന്നാവശ്യപ്പെട്ട് ഐ.എൻ.ടി.യു.സി ജില്ലാ കമ്മറ്റിയുടെ നേതൃത്വത്തിൽ കോട്ടയം ഹെഡ് പോസ്റ്റോഫീസ് മാർച്ചും ധർണ്ണയും നടത്തി. ജനറൽ ആശുപത്രിക്ക് സമീപത്തുനിന്നും ആരംഭിച്ച മാർച്ച് നഗരംചുറ്റി ഹെഡ് പോസ്റ്റോഫീസിനു മുന്നിൽ എത്തി ധർണ്ണ നടത്തി. കെ.പി.സി.സി ജനറൽ സെക്രട്ടറി ഫിലിപ്പ് ജോസഫ് സമരം ഉദ്ഘാടനം ചെയ്തു. ഇലക്ഷൻ കമ്മീഷനുമായി ചേർന്ന് ജനാധിപത്യം അട്ടിമറിക്കുന്ന മോദി സർക്കാരിനെതിരെ സമരം കൂടുതൽ ശക്തമാക്കി പഞ്ചായത്തുതലത്തിലേക്ക് വ്യാപിപ്പിക്കുമെന്ന് ഫിലിപ്പ് ജോസഫ് അറിയിച്ചു. സംസ്ഥാന വൈസ് പ്രസിഡന്റ് അനിയൻ മാത്യുവിന്റെ അദ്യക്ഷതയിൽ ചേർന്ന ധർണ്ണയിൽ സംസ്ഥാന ഭാരവാഹികളായ പി.പി.തോമസ് ,പി.വി.പ്രസാദ്, ജിജി പോത്തൻ ,എം.വി. മനോജ് , നന്തിയോട് ബഷീർ,ഡി.സി.സി ഭാരവാഹികളായ സാബു പുതുപ്പറമ്പിൽ, ടി.സി.റോയി, ആർ.. സജീവ്, സണ്ണി കാഞ്ഞിരം , വി.കെ.സുരേന്ദ്രൻ ,നിയോജക മണ്ഡലം പ്രസിഡന്റുമാരായ ടോണി തോമസ് .രാജൻ കൊല്ലംപറമ്പിൽ ., അച്ചൻ കുഞ്ഞ് ചേക്കോന്തയിൽ , പി.വി.സുരേന്ദ്രൻ ,നാസർ പനച്ചി , കെ.പി. മുകുന്ദൻ കെ.ജി. സുധീന്ദ്രൻ നായർ. ജില്ലാ ഭാരവാഹികളായ ബിജു കൂമ്പിക്കൽ ,ചന്ദ്രിക ഉണ്ണികൃഷ്ണൻ ,ബിന്റൊ ജോസഫ് , സഖറിയാസ് സേവ്യർ ,ഇടവട്ടം ജയകുമാർ ,പി.എച്ച്.അഷറഫ്, സിബി വാഴൂർ ,ബൈജു . പി.ജോർജ് ,സക്കീർ ചങം പള്ളി . ആർപ്പൂക്കര തങ്കച്ചൻ, ജോർജ്ജ് വർഗ്ഗീസ് ,കെ.വി. ചിത്രാംഗദൻ , യു. ബേബി ,ബിജു വലിയ മല, തുടങ്ങിയവർ പ്രസംഗിച്ചു. മാർച്ചിന് ജില്ലാ സെക്രട്ടറിമാരായ അബുഉബൈദ് |വിനു വരേ പ്പള്ളി .എൻ.ജെ.പ്രസാദ് ,പി.ആർ. രാജീവ്, കെ.പി. ജോസ് ,എം.ആർ. ഷാജി, തുടങ്ങിയവർ നേതൃത്വം നൽകി.