പാ ല: ബസിൽ നിന്നിറങ്ങുന്നതിന് മുമ്പ് ദേഹാസ്വാസ്ഥ്യമുണ്ടായ യാത്രക്കാരനെ ജീവനക്കാരും യാത്രക്കാരും ചേർന്ന് ആശുപത്രിയിലെത്തിച്ചു. ഇന്നലെ വൈകുന്നേരം 6.30ന് കൊട്ടാരമറ്റം സ്റ്റാന്ഡിലായിരുന്നു സംഭവം.
കോട്ടയം-പാതാമ്പുഴ റൂട്ടിൽ സർവീസ് നടത്തുന്ന മാറാനാത്ത ബസിൽ യാത്ര ചെയ്യുന്നതിനിടെ ഡയാലിസിസിനു വിധേയനാകുന്ന രോഗിയായ പ്ലാശനാല് സ്വദേശി ജോസ് ജോസഫിനാണ് ദേഹാസ്വാസ്ഥ്യം അനുഭവപ്പെട്ടത്. പാലായിലെ സ്വകാര്യ ആശുപത്രിയിൽ പോയി മടങ്ങുകയായിരുന്നു. ദേഹാസ്വാസ്ഥ്യം ശ്രദ്ധയില്പ്പെട്ടതോടെ കണ്ടക്ടർ മുട്ടം മറ്റത്തിൽ അമലും ഡ്രൈവർ പാതാമ്പുഴ സ്വദേശി പ്രിൻസും യാത്രക്കാരനായ റോബിന് ഇരുമാപ്രയും ചേർന്ന്പാലാ ജനറല്‍ ആശുപത്രിയിലെത്തിക്കുകയായിരുന്നു.
രോഗിയെ ആശുപത്രിയിലെത്തിക്കുവാൻ ആംബുലുൻസ് വിളിച്ചുവെങ്കിലും ലഭ്യമാകാത്തതിനാൽ ബസില്ത്തന്നെ യാത്രക്കാരനെ ആശുപത്രിയിലെത്തിക്കുകയായിരുന്നു.
