ഒറ്റപ്പാലത്ത് തനിച്ച് താമസിക്കുന്ന വയോധികനെ മരിച്ച നിലയിൽ കണ്ടെത്തി ; മൃതദേഹത്തിന് രണ്ട് ദിവസത്തെ പഴക്കമുണ്ടെന്ന് പോലീസ്

പാലക്കാട്: ഒറ്റപ്പാലത്തു വരോട് ഷാപ്പും പടിയിൽ ഒറ്റയ്ക്ക് താമസിക്കുകയായിരുന്നു വയോധികനെ വീടിനുള്ളിൽ മരിച്ച നിലയിൽ കണ്ടെത്തി.

ഷാപ്പുപടി പള്ളത്ത് വീട്ടിൽ ബാലസുബ്രഹ്മണ്യനാണ് (65)മരിച്ചത്.

രണ്ടുദിവസത്തോളം പഴക്കം തോന്നിക്കുന്ന രീതിയിലായിരുന്നു മൃതദേഹം.

രണ്ടുദിവസമായി ബാലസുബ്രഹ്മണ്യനെ പുറത്തേക്ക് കാണാതായതോടെ സമീപത്ത് ചായക്കട നടത്തുന്ന വ്യക്തി അന്വേഷിക്കുകയായിരുന്നു.

വീടിനുള്ളിലെ സോഫയിൽ മരിച്ച നിലയിൽ ബാലസുബ്രഹ്മണ്യനെ കണ്ടെത്തുകയായിരുന്നു. ഇൻക്വസ്റ്റ് നടപടികൾക്ക് ശേഷം മൃതദേഹം പാലക്കാട് ജില്ലാ ആശുപത്രിയിലേക്ക് മാറ്റി.