എരുമേലി : ഓപ്പറേഷൻ തൂഫാന്റെ ഭാഗമായി നടത്തിയ പരിശോധനയിൽ എരുമേലിയിൽ നിന്നും 2500 പായ്ക്കറ്റ് ഹാൻസ് പിടികൂടി. ജില്ല പോലീസ് മേധാവിയുടെ കീഴിലുള്ള ഡാൻസാഫ് ടീമും എരുമേലി പോലീസും ചേർന്ന് നടത്തിയ പരിശേധനയിലാണ് 6 ചാക്കുകളിലായി സൂക്ഷിച്ചിരുന്ന
നിരോധിത പുകയില ഉല്പന്നമായ പിടിച്ചെടുത്തത്.
ചരള,കമ്പിയിൽ,ഷാനി അബൂബക്കറിൻ്റെ വീടിനോട് ചേർന്നുള്ള ഗോഡൗണിൽ സൂക്ഷിച്ചിരുന്ന പുകയില ഉല്പന്നങ്ങളാണ് പിടിച്ചെടുത്തത്. എരുമേലിയിലും പരിസര പ്രദേശങ്ങളിലും വിതരണത്തിനായി എത്തിച്ചതായിരുന്നു ഇവയെന്ന് പോലീസ് അറിയിച്ചു.
പ്രതിയെ പുകയില ഉല്പന്നങ്ങൾ പിടികൂടിയ വീട്ടിൽ നിന്ന് തന്നെ അറസ്റ്റ് ചെയ്തു. എരുമേലി ഇൻസ്പക്ടർ സുരേഷ് എംആർ, എരുമേലി എസ്എച്ച് ഒ ശാന്തി കെ ബാബു, എസ്ഐ ജിബിഷ് എന്നിവർ ചേർന്നാണ് പരിശോധന നടത്തിയത്.
