കോട്ടയം: കോട്ടയം ജില്ലയിലെ പൊതു വിപണിയില് പച്ചക്കറി വില കുത്തനെ ഉയരുന്നു.
കഴിഞ്ഞ ഏതാനം ദിവസങ്ങളില്ക്കിടെ പ്രധാനപ്പെട്ട മിക്ക പച്ചക്കറികളുടെയും ചില്ലറ വില്പ്പന വിലയില് വന് വര് ധനവാണുണ്ടായിരിക്കുന്നത്.
വിലക്കയറ്റത്തില് മുന്നില് നില്ക്കുന്നത് ഇഞ്ചിയും വെളുത്തുള്ളിയുമാണ്. രണ്ടിനും 200 രൂപയ്ക്ക് മുകളിലായി ഉയര്ന്നു. അഞ്ചു ദിവസത്തിനുള്ളില് 10 രൂപയാണ് വര്ധിച്ചത്.
പഴുപ്പിക്കാന് തക്ക ഗുണമേന്മയുള്ള നേന്ത്രക്കായയ്ക്കു കടുത്ത ക്ഷാമമായതോടെ ഏത്തപ്പഴത്തിന്റെ വില ഓണത്തിന് മുമ്പേ വര്ധിച്ചു. ഇനി ഓണത്തിന് ഉപ്പേരി എങ്ങനെ ഉണ്ടാക്കുമെന്ന് ആശങ്കയിലാണ് ജനങ്ങൾ.
മൊത്തവിപണിയില് കിലോയ്ക്ക് 55 രൂപയായി. ചില്ലറ വിപണിയില് 65-70 രൂപയ്ക്കു മുകളിലാണു വില.
നല്ല പഴത്തിന് ആവശ്യക്കാര് ഏറെയാണെങ്കിലും ലഭ്യത കുറവാണ്. നാടന് നേന്ത്രപ്പഴം കിട്ടാനില്ല. 10 ദിവസത്തിനിടെ മൊത്തവിപണിയില് നേന്ത്രക്കായ കിലോഗ്രാമിന് 15 രൂപ വരെ വര്ധിച്ചു.
ഓണ സീസൺ ആയതോടെ ഏത്തക്കായ്ക്ക് ആവശ്യക്കാർ കൂടിയതോടെ വരും ദിവസങ്ങളിലും വില കൂടാനാണ് സാധ്യത.
