ആലപ്പുഴ : നെഹ്റു ട്രോഫി വള്ളംകളിയുടെ ആദ്യ ഹീറ്റ്സില് യുബിസി കൈനകരി ഫാന്സ് ബോട്ട് ക്ലബ് തുഴഞ്ഞ വീയപുരം ചുണ്ടന് ഒന്നാമതെത്തി. രണ്ടാം ഹീറ്റ്സില് ചമ്പക്കുളം ബോട്ട് ക്ലബ് തുഴഞ്ഞ ജയിച്ച് ചമ്പക്കുളം ചുണ്ടന് ഒന്നാമതെത്തി. മൂന്നാം ഹീറ്റ്സില് പള്ളാത്തുരുത്തി ബോട്ട് ക്ലബ് തുഴഞ്ഞ മേല്പ്പാടം ആദ്യം ഫിനിഷ് ചെയ്തു.
നാലാം ഹീറ്റ്സില് പറവൂര് അരോമ ബോട്ട് ക്ലബ്ബ് തുഴഞ്ഞ അരോമ ഒന്ന് ആദ്യം ഫിനിഷ് ചെയ്തു. നാട്ടകം എന്ബിസി തുഴഞ്ഞ ചെറുതന രണ്ടാമതെത്തി.അഞ്ചാം ഹീറ്റ്സില് നിരണം ബോട്ട് ക്ലബ്ബ് തുഴഞ്ഞ നിരണം ചുണ്ടന് ഒന്നാമതെത്തി. ആറാം ഹീറ്റ്സില് ആനാരി ബോട്ട് ക്ലബ്ബ് തുഴഞ്ഞ ആനാരി ചുണ്ടന് ഒന്നാമതെത്തി.
ആദ്യ ഹീറ്റ്സിൽ കഴിഞ്ഞ തവണ വീയപുരത്തിന് കിരീടം നേടിക്കൊടുത്ത വില്ലേജ് ബോട്ട് ക്ലബ് തുഴഞ്ഞ തലവടി ചുണ്ടന് രണ്ടാമതായി ഫിനിഷ് ചെയ്തു. ഐബിആര്എ കൊച്ചിന് തുഴഞ്ഞ ആയാപറമ്പ് പാണ്ടി മൂന്നാമതും, കുമരകം കെടിബിസി ഫാന്സ് ക്ലബ് തുഴഞ്ഞ കരുവാറ്റ ശ്രീവിനായകന് നാലാമതും ഫിനിഷ് ചെയ്തു.
ഇന്ന് രാവിലെ 11 മണിയോടെ ചെറുവള്ളങ്ങളുടെ ഹീറ്റ്സ് മത്സരങ്ങളോടെയാണ് 72ാമത് നെഹ്റു ട്രോഫി വള്ളംകളിക്ക് തുടക്കമായത്. മുഖ്യമന്ത്രി വിഡി സതീശൻ ജലമേള ഔപചാരികമായി ഉദ്ഘാടനം ചെയ്തു. കർണാടക മുഖ്യമന്ത്രി ഡി.കെ. ശിവകുമാര് മുഖ്യാതിഥിയായി.
