മുണ്ടക്കയം: പുല്ലുപാറയിൽ ബന്ധുക്കൾ തമ്മിലുണ്ടായ കയ്യാങ്കളിക്കിടെ അടിയേറ്റു മരിച്ച സംഭവത്തിൽ പ്രതിയെ പോലീസ് പിടികൂടി. കൂട്ടിക്കൽ ഇളംകാട് പനമൂട്ടിൽ ബിനു ആണ് കൊല്ലപ്പെട്ടത്. സംഭവത്തിന് ശേഷം ഒളിവിൽ പോയ ബിനുവിന്റെ ബന്ധു തങ്കച്ചനെ പെരുവന്താനം പോലീസ് കസ്റ്റഡിയിലെടുത്തു.
പുല്ലുപാറയിലെ വീട്ടിൽ വെച്ച് ഇരുവരും ഒന്നിച്ചിരുന്ന് മദ്യപിക്കുന്നതിനിടെ ഉണ്ടായ വാക്കുതർക്കമാണ് കൊലപാതകത്തിൽ കലാശിച്ചത്.
തർക്കം രൂക്ഷമായതോടെ കൈയാങ്കളിക്കിടെ ബിനുവിന് ഗുരുതരമായി അടിയേൽക്കുകയായിരുന്നു.
അടിയേറ്റതിനെ തുടർന്ന് ബിനു സംഭവസ്ഥലത്തുതന്നെ മരണപ്പെട്ടു.
വിവരമറിഞ്ഞ് സ്ഥലത്തെത്തിയ പോലീസ് ഇൻക്വസ്റ്റ് നടപടികൾ പൂർത്തിയാക്കി. കൃത്യം നടത്തിയ ശേഷം ഒളിവിൽ പോകാൻ ശ്രമിച്ച തങ്കച്ചനെ പെരുവന്താനം പോലീസ് അതിവേഗം പിന്തുടർന്ന് പിടികൂടുകയായിരുന്നു.
