മുന്നാർ: മൂന്നാറിലെ ഗ്ലാസ് ബ്രിഡ്ജ് നിർമാണത്തില്‍ കയ്യേറ്റം ഇല്ലെന്ന് റിപ്പോർട്ട് ചെയ്ത താലൂക്ക് സർവെയർക്ക് സസ്പെൻഷൻ.
ഹൈക്കോടതിയില്‍ തെറ്റായ റിപ്പോർട്ട് സമർപ്പിച്ചതിനാണ് അഫസല്‍ ബിക്കെതിരെ നടപടിയെടുത്തത്. സർക്കാർ ഭൂമി കയ്യേറിയാണ് ഗ്ലാസ് ബ്രിഡ്ജ് നിർമിച്ചതെന്ന് നേരത്തെ കണ്ടെത്തിയിരുന്നു.
ഗ്ലാസ് ബ്രിഡ്ജ് ഉദ്ഘാടനഘട്ടത്തില്‍ തന്നെ നിരവധി ആരോപണങ്ങള്‍ ഉയർന്നിരുന്നു. തുടർന്ന് ഉദ്ഘാടനത്തിന്റെ രണ്ട് ദിവസത്തിന് ശേഷം ജില്ലാ കളക്ട‌ർ സ്റ്റോപ്പ് മെമോ നല്‍കിയിരുന്നു.
തുടർന്ന് ഇതിനെതിരെ ഉടമകള്‍ ഹൈക്കോടതിയില്‍ പോയി അനുകൂല വിധി നേടുകയായിരുന്നു.
ഹൈക്കോടതിയില്‍ നിന്നും അനുകൂല വിധി ലഭിക്കാൻ നിർണായകമായത് സർവെയർ നല്‍കിയ റിപ്പോർട്ടായിരുന്നു. തുടർന്നാണ് നടപടിയുണ്ടായിരിക്കുന്നത്.
