കോട്ടയം: മുണ്ടക്കയം മേഖലയിൽ രാത്രിയിൽ വ്യാപാര സ്ഥാപനങ്ങളുടെ ഫ്യൂസുകൾ ഊരി മാറ്റി കടകൾ ഇരുട്ടിലാക്കുകയും പകൽ സമയങ്ങളിൽ വഴിയാത്രക്കാരായ കുട്ടികളെയും സ്ത്രീകളെയും ഭീഷണിപ്പെടുത്തുകയും ചെയ്തിരുന്ന യുവാവിനെ മുണ്ടക്കയം പോലീസ് കസ്റ്റഡിയിലെടുത്തു.
കഴിഞ്ഞ കുറച്ച് ദിവസങ്ങളായി പ്രദേശത്ത് ഇയാളുടെ ശല്യം രൂക്ഷമായിരുന്നുവെന്നാണ് നാട്ടുകാർ പറയുന്നത്. രാത്രിയിൽ വ്യാപാര സ്ഥാപനങ്ങളുടെ വൈദ്യുതി ഫ്യൂസ് ഊരി മാറ്റി വ്യാപാരികൾക്ക് ബുദ്ധിമുട്ടുണ്ടാക്കുന്നതും പകൽ സമയങ്ങളിൽ വഴിയാത്രക്കാർക്ക് നേരെ അക്രമാസക്തമായി പാഞ്ഞടുക്കുന്നതും പതിവായിരുന്നുവെന്നാണ് പരാതി.
സംഭവങ്ങൾ ആവർത്തിച്ചതോടെ നാട്ടുകാർ പോലീസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിനൊടുവിലാണ് യുവാവിനെ പോലീസ് കസ്റ്റഡിയിലെടുത്തത്.
ഇയാളുടെ മാനസികാരോഗ്യവും ആരോഗ്യനിലയും പരിശോധിച്ച ശേഷമായിരിക്കും തുടർ നിയമനടപടികൾ സ്വീകരിക്കുകയെന്ന് മുണ്ടക്കയം പോലീസ് അറിയിച്ചു.
