തിരുവനന്തപുരം: മുൻ ഇന്ത്യൻ ക്രിക്കറ്റ് ടീം ക്യാപ്റ്റനും സൂപ്പർതാരവുമായ മഹേന്ദ്രസിംഗ് ധോണി ഇന്ത്യൻ പ്രീമിയർ ലീഗില് (ഐപിഎല്) നിന്നും വിരമിക്കല് പ്രഖ്യാപിച്ചത് ഇന്നാണ്.
45കാരനായ താരം ചെന്നൈ സൂപ്പർ കിംഗ്സിന് വേണ്ടി നീണ്ട 18 വർഷമാണ് കളിക്കളത്തില് ഉണ്ടായിരുന്നത്. ഇതിനിടെ 2010,2011,2018, 2021,2023 സീസണുകളില് ടീമിന് ഐപിഎല് കിരീടം നേടിക്കൊടുക്കുകയും ചെയ്തു.
2020ല് അന്താരാഷ്ട്ര ക്രിക്കറ്റില് നിന്ന് വിരമിച്ച ശേഷം താരം ഐപിഎല്ലില് തുടരുകയായിരുന്നു. ഇപ്പോഴിതാ ധോണിയുടെ വിരമിക്കലിനെ കുറിച്ച് ഹൃദയസ്പർശിയായ ദീർഘമായ കുറിപ്പ് പങ്കുവച്ചിരിക്കുകയാണ് മുഖ്യമന്ത്രി വി ഡി സതീശൻ.
നേരിട്ട് കാണണമെന്നും ഏറെനേരം സംസാരിക്കണമെന്നും ഞാൻ ആഗ്രഹിക്കുന്നയാളാണ് ധോണിയെന്നാണ് മുഖ്യമന്ത്രി കുറിച്ചിരിക്കുന്നത്.
മൈതാനത്തില് കടല്ക്ഷോഭമുണ്ടാകുമ്പോള്, കപ്പല് കുലുങ്ങുമ്പോള് നിങ്ങളെങ്ങനെയാണ് ക്യാപ്റ്റൻ ഇത്രമേല് ശാന്തനാകുന്നത്?എങ്ങനെയാണ് കണ്ണില് ഭയമില്ലാതെയിരിക്കുന്നത് എന്നും അദ്ദേഹം സമൂഹമാദ്ധ്യമത്തില് പങ്കുവച്ച കുറിപ്പില് ചോദിക്കുന്നു.
തന്റെ കാഴ്ചയിലും കാഴ്ചപ്പാടിലും ധോണി ഒരു അസാധാരണ മനുഷ്യനാണെന്ന് വി ഡി സതീശൻ പറയുന്നു. ഒരു ജനതയെ മുഴുവൻ സ്വാധീനിച്ച അവരുടെ ഭാവനയെ കീഴടക്കിയ ചുരുക്കം ആളുകളെ ഉണ്ടായിട്ടുള്ളൂ, അതിലൊരാളാണ് ധോണി എന്നും മുഖ്യമന്ത്രി പറയുന്നു.






