വാകത്താനം: ജലജീവൻ മിഷന്റെ ടാങ്ക് നിർമ്മാണത്തിനായി എടുത്ത കുഴിയിൽ വീണ് മരിച്ച ചക്കൻചിറ പേരുക്കുന്നേൽ (ഇന്ദിരാനഗർ) കാട്ടാമ്പാക്കിൽ ഷിജുവിന്റെ മകൻ മിലൻ കെ. ഷിജുവിന്റെ (11) സംസ്കാരം ഓഗസ്റ്റ് 3 തിങ്കളാഴ്ച നടക്കും.
രാവിലെ 8ന് ഞാലിയകുഴി എം.ജി.എം. പബ്ലിക് സ്കൂളിൽ മിലന്റെ മൃതദേഹം പൊതുദർശനത്തിന് വയ്ക്കും. തുടർന്ന് രാവിലെ 9ന് മൃതദേഹം ഭവനത്തിലെത്തിക്കും.
ഉച്ചയ്ക്ക് 2ന് ഭവനത്തിലെ ശുശ്രൂഷകൾ ആരംഭിക്കും. തുടർന്ന് പൊങ്ങന്താനം സെന്റ് തോമസ് ഓർത്തഡോക്സ് ചർച്ച് സെമിത്തേരിയിൽ സംസ്കാരം നടക്കും.
ഷിജുവാണ് മിലന്റെ പിതാവ്. മാതാവ് ഷൈനി (തളിക്കുന്നേൽ കുടുംബാംഗം). മിഥിലയാണ് സഹോദരി.
