കോട്ടയം: കോട്ടയം ചുങ്കത്ത് .91 ഗ്രാം എംഡി എം എ യുമായി പിടിയിലായ കോട്ടയം തിരുവാതുക്കൽ മാന്താർ സ്വദേശി പറമ്പിൽ റോണി റോയി (24)
നിരവധി അടിപിടി കേസുകളിലും പ്രതി. കോട്ടയം വെസ്റ്റ് സ്റ്റേഷനിലാണ് ഇയാൾക്കെതിരെ അടിപിടി കേസുകളുള്ളത്.
ജില്ലാ ഡാൻസാഫ് ടീമും ഗാന്ധിനഗർ പോലീസും ചേർന്ന് ചുങ്കത്ത് വച്ച് ഇന്നു പുലർച്ചെ രണ്ട് മണിയോടെയാണ് ഇയാളെ പിടികൂടിയത്.
എറണാകുളത്ത് ഹോം അപ്ലയൻസ് ഷോറൂമിൽ ജോലി ചെയ്തുവരികയാണ് പ്രതി. എംഡി എം എ ഉപയോഗിക്കുകയും വിൽപ്പനയുമുണ്ടന്ന് പോലീസ് പറഞ്ഞു. ബൈക്കിൽ വരവെ പെട്രോൾ തീർന്നതിനെ തുടർന്ന് നടന്നു വരുമ്പോഴാണ് പോലീസ് വലയിലാക്കിയത്. നേരത്തേ കിട്ടിയ രഹസ്യവിവരത്തിന്റെ അടിസ്ഥാനത്തിൽ പോലീസും ഡാൻസാഫ് ടീമും കാത്ത് നിൽക്കുകയായിരുന്നു. പരിശോധനയിൽ പോക്കറ്റിൽ സൂക്ഷിച്ചിരുന്ന എംഡി എം എ കണ്ടെത്തുകയായിരുന്നു.
ജില്ലാ ഡാൻസാഫ് ടീമിനൊപ്പം ഗാന്ധിനഗർ എസ് എച്ച് ഒ ജെർലിൻ പി സ്കറിയ, എസ്ഐ ജയപ്രകാശ്, സീനിയർ സിപിഒ അതുൽകെ മുരളി, സി പി ഒ സുനു ഗോപി എന്നിവർ നേതൃത്വം നൽകി. പ്രതിയെ ഇന്ന് കോടതിയിൽ ഹാജരാക്കും.
