കൊച്ചി: സ്വാതന്ത്ര്യസമര നായകനും സ്വതന്ത്ര ഇന്ത്യയുടെ പ്രഥമ വിദ്യാഭ്യാസ മന്ത്രിയുമായിരുന്ന മൗലാനാ അബുൽ കലാം ആസാദിന്റെ ജന്മവാർഷികം എൻ.സി.പി (എസ്.പി) മൈനോറിറ്റി കോൺഗ്രസ് സംസ്ഥാന കമ്മിറ്റിയുടെ ആഭിമുഖ്യത്തിൽ ആഘോഷിച്ചു.
പാർട്ടി സംസ്ഥാന കമ്മിറ്റി ഓഫീസിൽ നടന്ന ചടങ്ങ് എൻ.സി.പി (എസ്.പി) സംസ്ഥാന വൈസ് പ്രസിഡന്റ് വി.ജി. രവീന്ദ്രൻ ഉദ്ഘാടനം ചെയ്തു.
ആധുനിക ഇന്ത്യയുടെ വിദ്യാഭ്യാസ നയരൂപീകരണത്തിൽ സുപ്രധാന പങ്കുവഹിച്ച ഭരണാധികാരിയായിരുന്നു അബുൽ കലാം ആസാദെന്നും, ഐ.ഐ.ടി, ഓൾ ഇന്ത്യ കൗൺസിൽ ഫോർ ടെക്നിക്കൽ എജ്യുക്കേഷൻ (AICTE) തുടങ്ങിയ പ്രമുഖ സ്ഥാപനങ്ങളുടെ രൂപീകരണത്തിൽ അദ്ദേഹം വഹിച്ച പങ്ക് നിസ്തുലമാണെന്നും അദ്ദേഹം അഭിപ്രായപ്പെട്ടു.
മൈനോറിറ്റി കോൺഗ്രസ് സംസ്ഥാന ചെയർമാൻ കെ.ടി. മുജീബ് ചടങ്ങിൽ അധ്യക്ഷത വഹിച്ചു. ന്യൂനപക്ഷ വിഭാഗം ദേശീയ ജനറൽ സെക്രട്ടറി കുര്യൻ എബ്രഹാം മുഖ്യപ്രഭാഷണം നടത്തി.
മൈനോറിറ്റി കോൺഗ്രസ് സംസ്ഥാന ജനറൽ സെക്രട്ടറി ബാബു കപ്പക്കാല, എൻ.സി.പി (എസ്.പി) ജില്ലാ പ്രസിഡന്റ് റെജി ഇല്ലിക്കപറമ്പിൽ, എൻ.സി.പി (എസ്.പി) സംസ്ഥാന സെക്രട്ടറി രാജു തെക്കൻ, നേതാക്കളായ ഷൈജു ഫ്രാൻസിസ്, സോഫിയ ഷെറീഫ്, ഹഫ്സത്ത്, എൻ.സി. ചാക്കോ, ഷാജി മഞ്ചേരി എന്നിവർ പ്രസംഗിച്ചു.
