കൊച്ചി: സിഎംആർഎല്‍ -എക്സാലോജിക് ഇടപാടില്‍ എഫ്‌ഐആർ രജിസ്റ്റർ ചെയ്യാമെന്ന സിംഗിള്‍ ബെഞ്ച് ഉത്തരവ് റദ്ദാക്കണമെന്നാവശ്യപ്പെട്ട് പ്രതിപക്ഷനേതാവ് പിണറായി വിജയൻ ഹൈക്കോടതിയിലേക്ക്.
പിണറായി വിജയനും പി എ മുഹമ്മദ് റിയാസുമാകും അപ്പീല്‍ നല്‍കുക. ഹൈകോടതിയില്‍ അപ്പീല്‍ നല്‍കാമെന്നും സുപ്രീംകോടതിയിലേക്ക് പോകണ്ടെതില്ലെന്നും നിയമോപദേശം. ലളിതക്കുമാരി കേസ് അനുസരിച്ച്‌ മുന്നോട്ട് പോകണമെന്ന് ഹർജിയില്‍ ഉന്നയിക്കും.
വാരിസ്, ഷൈജല്‍, വീണ അടക്കം നാല് റിട്ട് അപ്പീലുകള്‍ ഫയല്‍ ചെയ്യാനും നീക്കം. എഫ്‌ഐആർ എടുക്കണമെന്ന ഉത്തരവ് റദ്ദ് ചെയ്യണമെന്നാണ് ആവശ്യം. കക്ഷി അല്ലാത്തതിനാല്‍ ലീവ് പെറ്റീഷനാകും ആദ്യം നല്‍കുക. ഇന്ന് രാവിലെ തന്നെ കോടതിയുടെ പരിഗണനയ്ക്ക് കൊണ്ടുവരാൻ ശ്രമം നടക്കുന്നത്. കേസില്‍ പിണറായി വിജയനെ പ്രതിയാക്കി വിജിലൻസ് കേസെടുക്കാനിരിക്കെയാണ് ഹൈക്കോടതിയെ സമീപിച്ചിരിക്കുന്നത്. തിരുവനന്തപുരം സ്പെഷ്യല്‍ ഇൻവെസ്റ്റിഗേഷൻ യൂണിറ്റായിരിക്കും കേസെടുക്കുക.
എഫ്‌ഐആർ രജിസ്റ്റർ ചെയ്യണമെന്ന ഹൈക്കോടതി ഉത്തരവ് ചോദ്യംചെയ്യേണ്ടെന്നാണ് സംസ്ഥാന സർക്കാർ തീരുമാനം. പ്രത്യേക അന്വേഷണ സംഘത്തെ രൂപീകരിച്ച്‌ അന്വേഷണം നടത്താനാണ് സർക്കാർ നീക്കം. നിലവിലെ എസ്.ഐ.ടിയെ റദ്ദാക്കിയ ഹൈക്കോടതി, കേസ് അന്വേഷിക്കേണ്ടത് വിജിലൻസാണെന്നും വ്യക്തമാക്കിയിരുന്നു. അപ്പീലുമായി മുന്നോട്ടുപോയാല്‍ കോടതിയില്‍ തിരിച്ചടിയുണ്ടാകുമെന്ന വിലയിരുത്തലിലാണ് സർക്കാർ.
