കൊച്ചി: ചരക്കുമായി പോകുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് കണ്ടെയ്നർ ലോറി ഡ്രൈവർ മരിച്ചു. നിയന്ത്രണം വിട്ട ലോറി മീഡിയനിലിടിച്ചാണ് നിന്നത്.
ചാലക്കുടി കാരപ്പാടം പാപ്പാത്ത് വീട്ടില് വേലപ്പന്റെ മകൻ പ്രഹ്ലാദൻ (55) ആണ് മരിച്ചത്.
രാവിലെ 7.30ഓടെ ദേശീയപാതയില് ആലുവ പുളിഞ്ചോട്ടിയിലായിരുന്നു അപകടം നടന്നത്. ലോറി മീഡിയനില് ഇടിച്ചതിന് പിന്നാലെ നാട്ടുകാർ ഓടിയെത്തി പ്രഹ്ലാദനെ ആലുവ ജില്ലാ ആശുപത്രിയിലെത്തിച്ചെങ്കിലും മരിച്ചിരുന്നു. അപകട സമയം ലോറിയില് മറ്റാരും ഉണ്ടായിരുന്നില്ല.
ആലുവയില് ചരക്ക് ഇറക്കിയ ശേഷം എറണാകുളത്തേക്ക് പോകുന്നതിനിടെയാണ് സംഭവം. മറ്റ് നടപടിക്രമങ്ങള് പൂർത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടുകൊടുത്തു. സംസ്കാരം നടത്തി. അജിതയാണ് ഭാര്യ. മകള്: പ്രീത. മരുമകൻ: സനീഷ്.
