തിരുവനന്തപുരം: ലോകകപ്പ് ഫൈനൽ പ്രമാണിച്ച് സംസ്ഥാനത്തെ സ്കൂളുകൾക്കും കോളേജുകൾക്കും ഇന്ന് അവധിയാണ്.
കേരള, കാലിക്കറ്റ് സർവകലാശാലകൾ ഇന്ന് നിശ്ചയിച്ച പരീക്ഷകൾ മാറ്റി വച്ചിട്ടുണ്ട്. പുതുക്കിയ തീയതികൾ പിന്നീട് അറിയിക്കും. ഇന്ന് രാവിലെ നടക്കേണ്ടിയിരുന്ന കെടിയു പരീക്ഷകൾ ഉച്ചയ്ക്ക് ശേഷം നടത്തും. മറ്റ് സർവകലാശാലകളിലെ പരീക്ഷകളിൽ മാറ്റമില്ല. മുഖ്യമന്ത്രിയുടെ നിർദേശപ്രകാരമാണ് അവധി പ്രഖ്യാപിച്ചത്.
കേന്ദ്രീയ വിദ്യാലയങ്ങൾക്കും അവധി ബാധകമായിരിക്കുമെന്ന് അധികൃതർ അറിയിച്ചു. നേരത്തെ, പൊതു വിദ്യാലയങ്ങൾക്ക് അവധി പ്രഖ്യാപിച്ചെങ്കിലും കേന്ദ്ര വിദ്യാലയങ്ങൾക്ക് പ്രവർത്തി ദിവസമായിരിക്കും എന്നായിരുന്നു അറിയിപ്പ്.
