കുമരകം: കുമരകത്ത് വാഹനം കിട്ടാതെ രോഗി മരിച്ചു. നെഞ്ചുവേദനയെത്തുടർന്ന് സ്വകാര്യ ക്ലിനിക്കില് എത്തിയ വീട്ടമ്മയാണ് മരിച്ചത്. കുമരകം എട്ടങ്ങാടി ഭാഗത്ത് പടുവയില് വീട്ടില് ശോഭന (62) അന്തരിച്ചു.
ക്ലിനിക്കിലെ ഡോക്ടർ അടിയന്തര ചികിത്സയ്ക്ക് മെഡിക്കല് കോളജ് ആശുപത്രിയിലേക്ക് ശിപാർശ ചെയ്തെങ്കിലും വെള്ളപ്പൊക്കം മൂലം ആംബുലൻസോ മറ്റു വാഹനമാേ ലഭിക്കാത്തതിനെത്തുടർന്നാണ് മരണം സംഭവിച്ചത്.
തുടർന്ന് കുമരകത്തെ ഒരു സ്വകാര്യആശുപത്രിയിലെ ആംബുലൻസില് പോലീസ് ഉദ്യോഗസ്ഥനായ വിഷ്ണുവാണ് മൃതദേഹം വീട്ടിലെത്തിച്ചത്.
പരേത ചെങ്ങളം കറുകപ്പറമ്പ് കുടുംബാഗം. സംസ്കാരം ഇന്ന് ഉച്ചയ്ക്ക് 12ന് വീട്ടുവളപ്പില്. ഭർത്താവ്: രമണൻ. മക്കള്:രമ്യ, രമിത. മരുമക്കള്: പ്രമോദ്(രാമപുരം), അനീഷ് (ഏറ്റുമാനൂർ).
