കുമരകം:ശ്രീകുമാരമംഗലം ക്ഷേത്രത്തിൽ ഈ വർഷത്തെ സ്കന്ദ ഷഷ്ഠി ഉത്സവം നവംബർ 15 (തുലാം 29) ഞായറാഴ്ച കൊണ്ടാടുന്നു.
ക്ഷേത്ര ചടങ്ങുകൾക്ക് ബ്രഹ്മശ്രീ എരമല്ലൂർ ഉഷേന്ദ്രൻ തന്ത്രിയും
മേൽശാന്തി ഷൈൻ ശാന്തിയും മുഖ്യകാർമ്മികത്വം വഹിക്കും
ഭക്തി സാന്ദ്രമായ അന്തരീക്ഷത്തിൽ വിപുലമായ രീതിയിൽ സ്കന്ദഷഷ്ഠി ഉത്സവം കൊണ്ടാടുന്ന ക്ഷേത്ര സങ്കേതങ്ങളിലൊന്നാണ് കുമരകം ശ്രീകുമാരമംഗലം ക്ഷേത്രം.
ഇതിന്റെ ഭാഗമായുള്ള ഒരിക്കൽ വ്രതം നാളെ (തുലാം 24 ) ചൊവ്വാഴ്ച രാവിലെ ആരംഭിക്കുന്നതാണ്.
ബാലകനായ സുബ്രഹ്മണ്യ ഭഗവാൻ താരകാസുര നിഗ്രഹത്തിനായി പോയപ്പോൾ പാർവതിദേവി അനുഷ്ഠിച്ചതാണ്ഷഷ്ഠിവ്രതം.
എല്ലാ ദിവസവുംക്ഷേത്ര ദർശനം നടത്തി സുബ്രഹ്മണ്യകീർത്തനങ്ങളും സ്തോത്രങ്ങളും പാരായണം ചെയ്യുന്നത്ശ്രേഷ്ഠകരമാണ്.
6ഷഷ്ഠിവ്രതമെടുക്കുന്നതിന് തുല്യമാണ് തുലാമാസത്തിലെ സ്കന്ദ ഷഷ്ഠിവ്രതമാചരിക്കുന്നത്.
സന്താനസൗഭാഗ്യത്തിനും അഭിവൃദ്ധിക്കും കുടുംബ ഐശ്വര്യത്തിനും സർവ്വകാര്യ സിദ്ധിക്കും ഷഷ്ഠിവ്രതമെടുക്കുന്നത് ഉത്തമമാണെന്ന് ക്ഷേത്രം തന്ത്രി പറഞ്ഞു.
സ്കന്ദഷഷ്ഠി ഉത്സവത്തിന്റെ വിജയകരമായ
നടത്തിപ്പിന് വിവിധ കമ്മറ്റികൾ രൂപീകരിച്ച് വിപുലമായ ക്രമീകരണങ്ങൾ ഏർപ്പെടുത്തുമെന്ന് കുമാരമംഗലം ദേവസ്വം പ്രസിഡന്റ് അഡ്വ.എം എൻ പുഷ്കരനും സെക്രട്ടറി കെ ഡി സലിമോനും അറിയിച്ചു.
ഷഷ്ഠിപൂജ, പാനക പൂജ ,പഞ്ചാമൃതാഭിഷേകം, അഭിഷേക കാവടി , പൊൻകാവടി , നാരങ്ങാ സമർപ്പണം, സുബ്രഹ്മണ്യപൂജ
തുടങ്ങിയ വഴിപാടുകൾ ഇതിനോടനുബന്ധിച്ച് നടത്തുന്നതാണ്.
വഴിപാടുകൾക്കും മറ്റു വിവരങ്ങൾക്കും 0481-2524446 എന്ന ഫോൺ നമ്പരിൽ ബന്ധപ്പെടേണ്ടതാണ്.
