കോട്ടയം: ഏറെ കാത്തിരുന്നു. ഒടുവില് അത് യാഥാത്ഥ്യമാകുന്നു. കോട്ടയം റെയില്വേ സ്റ്റേഷനിലെ പ്രധാന കവാടത്തിനുള്ളില് നിന്ന് നേരിട്ട് പുതിയ മേല്പ്പാലത്തിലേക്ക് പ്രവേശിക്കാവുന്ന രീതിയില് സ്കൈവാക്ക് നിർമ്മിക്കുമെന്ന പ്രഖ്യാപനം യാത്രക്കാർക്ക് വലിയ അനുഗ്രഹമാകും.
സ്കൈവാക്ക് വൈകാതെ യാഥാത്ഥ്യമാക്കുമെന്ന് ഫ്രാൻസിസ് ജോർജ് എം.പി അറിയിച്ചു.
പദ്ധതി യാഥാർത്ഥ്യമാകുന്നതോടെ പ്ലാറ്റ്ഫോമുകളിലേക്കുള്ള യാത്ര കൂടുതല് സുരക്ഷിതമാകും. ശബരിമല തീർത്ഥാടനവുമായി ബന്ധപ്പെട്ട മുന്നൊരുക്കങ്ങള് വിലയിരുത്താൻ റെയില്വേ സ്റ്റേഷൻ സന്ദർശിച്ചശേഷം സംസാരിക്കുകയായിരുന്നു അദ്ദേഹം.
സ്റ്റേഷൻ മാനേജർ പി.പ്രദീപ്, ഡെപ്യൂട്ടി മാനേജർ മാത്യു ജോസഫ്, എൻജിനീയർ അനഘ നായർ, ഹെല്ത്ത് ഇൻസ്പെക്ടർ അഞ്ജു കൃഷ്ണൻ, റെയില്വേ പൊലീസ് ഇൻസ്പെക്ടർ അനീഷ് രാമകൃഷ്ണൻ, നഗരസഭാ കൗണ്സിലർമാരായ ഗൗരിശങ്കർ, ജോണ് വർഗീസ് എന്നിവരും ഒപ്പമുണ്ടായിരുന്നു.






