കല്പറ്റ: ഇടതുപക്ഷത്തിനെതിരെ വോട്ട് ചെയ്തവർ നരകിക്കുമെന്ന് കെ ടി ജലീല്. ഇടതുപക്ഷ സർക്കാരിനോട് ചെയ്തത് കൊടുംപാതകമാണ്.
ആർഎസ്എസും കോണ്ഗ്രസും ലീഗും കുപ്രചരണങ്ങള് നടത്തി. ജനങ്ങള് തെറ്റിദ്ധരിപ്പിക്കപ്പെട്ടു. കൊടുത്തത് കൂടിപ്പോയതാണ് പ്രശ്നമായതെന്നും കെ ടി ജലീല് പറഞ്ഞു.
'പാര് തന്ന പൂവൻപഴം തൊണ്ടയില് കൊണ്ടില്ല' എന്നാണ് കെ ടി ജലീല് പറഞ്ഞത്. സർക്കാർ കൊടുത്ത പൂവൻ പഴം തൊള്ളയില് കൊണ്ടില്ല. ഇടതുപക്ഷത്തിന് എതിരായി വോട്ട് ചെയ്തത് അതുകൊണ്ടാണെന്നും കെ ടി ജലീല് പറഞ്ഞു. അല്ലാതെ എന്ത് കുറ്റമാണ് പത്ത് കൊല്ലം ഭരിച്ച സർക്കാരിനെതിരെ ഉന്നയിക്കാൻ ഉണ്ടായിരുന്നത് എന്നാണ് അദ്ദേഹത്തിന്റെ ചോദ്യം.
കള്ളപ്രചാരണം നടത്തി ആളുകളുടെ മനസ്സില് വലിയ ബോധമുണ്ടാക്കി. യുഡിഎഫ് സർക്കാർ അധികാരത്തില് എത്തിയപ്പോഴാണ് ആളുകള് വസ്തുത മനസ്സിലാക്കിയത്. മാറ്റത്തിന് വോട്ട് ചെയ്തവർക്ക് ഇപ്പോള് ശരിക്കും കിട്ടുന്നുണ്ടെന്നും കെ ടി ജലീല് പരിഹസിച്ചു. പവർ കട്ടാണ് സമ്മാനം. പെൻഷൻ എപ്പോള് കിട്ടുമെന്ന് പടച്ചോന് മാത്രമേ അറിയൂ എന്നും കെ ടി ജലീല് പറഞ്ഞു. കഴിഞ്ഞ ദിവസം വയനാട് കല്പറ്റയില് നടന്ന കേരള സ്കൂള് ടീച്ചേഴ്സ് അസോസിയേഷന്റെ പരിപാടിയില് പങ്കെടുക്കവേയാണ് കെ ടി ജലീലിന്റെ പരാമർശം
