തിരുവനന്തപുരം: കെഎസ്‌ആർടിസി വിജയകരമായി നടത്തിവരുന്ന ലോജിസ്റ്റിക് സംവിധാനം കൂടുതല്‍ വിപുലീകരിക്കുന്നതിന്റെ ഭാഗമായി കാർഗോ സേവനങ്ങള്‍ കൂടി ആരംഭിക്കുന്നു.
കാർഗോ സർവീസിന്റെ ഫ്ലാഗ് ഒഫ് നാളെ (ഒക്ടോബർ ഏഴിന്) ഉച്ചയ്ക്ക് 12.30ന് തിരുവനന്തപുരം ഡൊമസ്റ്റിക് എയർപോർട്ട് കാർഗോ ടെർമിനലില്‍ ഗതാഗത മന്ത്രി സി.പി ജോണ്‍ നിർവഹിക്കും.
ടിക്കറ്റ് ഇതര വരുമാനം വർദ്ധിപ്പിക്കുന്നതിന്റെ ഭാഗമായി രാജ്യത്തെ വിവിധ സംസ്ഥാന റോഡ് ട്രാൻസ്പോർട്ട് കോർപറേഷനുകള്‍ വിജയകരമായി നടപ്പാക്കിവരുന്ന കാർഗോ സേവന മാതൃക പഠിച്ചാണ് കെഎസ്‌ആർടിസിയും ഈ മേഖലയിലേക്ക് കടക്കുന്നത്.
ചടങ്ങില്‍ വാർഡ് കൗണ്‍സിലർ ഷീബ പാട്രിക് അധ്യക്ഷത വഹിക്കും. ഡോ. ശശി തരൂർ എം.പി, ഗതാഗത വകുപ്പ് സെക്രട്ടറി ടി.വി അനുപമ, കെഎസ്‌ആർടിസി സിഎംഡി പ്രമോജ് ശങ്കർ, ഉദ്യോഗസ്ഥർ, ജീവനക്കാർ, രാഷ്ട്രീയ സാമൂഹിക രംഗത്തെ പ്രമുഖ വ്യക്തികള്‍ തുടങ്ങിയവർ പങ്കെടുക്കും.
