ആലപ്പുഴ: പ്രിയദർശിനി ബസിലെ തിരക്കിനിടെഡോർ തുറന്നു പോയി കണ്ടക്ടർ റോഡിലേക്ക് വീണു.
ആലപ്പുഴ ഡിപ്പോയിലെ കണ്ടക്ടർ അമ്പിളിക്കാണ് കലവൂരില് വെച്ച് പരിക്കേറ്റത്.
ആലപ്പുഴ ചെല്ലാനം റൂട്ടില് സർവീസ് നടത്തുന്ന ബസിലാണ് അപകടം.
ചെല്ലാനത്ത് നിന്ന് ആലപ്പുഴ ഡിപ്പോയിലേക്ക് തിരികെ വരുന്ന വഴിക്ക് കലവൂർ ഭാഗത്ത് എത്തിയപ്പോള് പിൻവശത്തെ ഡോർ തനിയെ തുറന്നുപോവുകയായിരുന്നു.
അനിയന്ത്രിതമായ തിരക്കുണ്ടായിരുന്ന ബസില് നിന്ന് അമ്പിളി ഹൈവേയിലേക്ക് വീഴുകയായിരുന്നു.
വീഴ്ചയില് നിസ്സാര പരിക്കുകള് മാത്രമേ ഉണ്ടായുള്ളൂ.
റോഡില് വീണ കണ്ടക്ടറെ യാത്രക്കാർ തന്നെയാണ് രക്ഷപ്പെടുത്തി ആശുപത്രിയിലെത്തിച്ചത്.
അപകട സമയത്ത് മറ്റ് വാഹനങ്ങള് കടന്നുവരാതിരുന്നതിനാല് വലിയ അപകടം ഒഴിവായി.
സംഭവത്തില് കെ.എസ്.ആർ.ടി.സി. അധികൃതർ അന്വേഷണം ആരംഭിച്ചിട്ടുണ്ട്
