തിരുവനന്തപുരം : കെഎസ്ആര്ടിസിയില് എംപാനല് ജീവനക്കാരുടെ ശമ്പളം മുടങ്ങിയെന്ന് പരാതി. രണ്ടു ഘട്ടങ്ങളായാണ് സാധാരണ ശമ്പളം നല്കിയിരുന്നത്. ആദ്യ 15 ദിവസത്തെ ശമ്പളം 20നും ബാക്കി 15 ദിവസത്തെ ശമ്പളം അടുത്ത മാസം പത്തിനുള്ളിലുമാണ് കൊടുക്കാറുള്ളത്. എന്നാല് കഴിഞ്ഞ മാസത്തെ 15 മുതല് 30 വരെയുള്ള ദിവസങ്ങളിലെ ശമ്പളത്തിന്റെ പകുതി മാത്രമാണ് ഈ മാസം നല്കിയിരിക്കുന്നത്.
7 ദിവസത്തെ ശമ്പളം മാത്രം കിട്ടിയതോടെ ജീവനക്കാര് കടുത്ത സാമ്പത്തിക പ്രതിസന്ധിയിലാണ്. ഡ്രൈവര്മാരും കണ്ടക്ടര്മാരും അടക്കം കെഎസ്ആര്ടിസിയില് മൂവായിരത്തോളം ബദല് ജീവനക്കാരാണുള്ളത്. പ്രിയദര്ശിനി സൗജന്യയാത്ര മൂലമുള്ള സാമ്പത്തിക പ്രതിസന്ധിയാണോ ശമ്പളം മുടങ്ങാനുള്ള കാരണമെന്നാണ് ജീവനക്കാര് സംശയിക്കുന്നത്.
അതേസമയം അടുത്തയാഴ്ച തന്നെ ബാക്കി പണം നല്കുമെന്നും പ്രിയദര്ശിനി പദ്ധതിയുമായി ഇപ്പോഴത്തെ പ്രശ്നത്തിനു ബന്ധമില്ലെന്നും കെഎസ്ആര്ടിസി എംഡി അറിയിച്ചു.
