തിരുവനന്തപുരം: കെഎസ്ഇബി താൽക്കാലിക ജീവനക്കാരന് മർദ്ദനം.
ഉള്ളൂർ നീരാഴിയിൽ താൽക്കാലിക ലൈൻമാനെ ഇരുമ്പ് കമ്പികൊണ്ട് അടിച്ചുവീഴ്ത്തി..
ഉള്ളൂർ സെക്ഷനിലെ ജീവനക്കാരനായ സുജിൻ ജെ.എസിനാണ് മർദനമേറ്റത്.
അയൽവാസിയുടെ വീട്ടിലേക്ക് വൈദ്യുതി കണക്ഷൻ നൽകുന്നതിനെ ചൊല്ലിയുള്ള തർക്കമാണ് അക്രമത്തിൽ കലാശിച്ചത്.സംഭവത്തിന്റെ ദൃശ്യങ്ങൾ പുറത്ത്.
നീരാഴി സ്വദേശി തങ്കനാണ് കെഎസ്ഇബി ജീവനക്കാരനെ മർദിച്ചത്.
.തങ്കന്റെ അയൽവാസിയുടെ വീട്ടിൽ കണക്ഷൻ കൊടുക്കാൻ വന്നതായിരുന്നു കെഎസ്ഇബി ജീവനക്കാരൻ.
ഇയാളുടെ വീടിന്റെ അരികിലൂടെ സർവീസ് ലൈൻ എടുത്തുവെന്ന് പറഞ്ഞായിരുന്നു മർദനം. അയൽവാസിയും തങ്കനും തമ്മിൽ പിണക്കത്തിലായിരുന്നെന്ന് പ്രദേശവാസികൾ പറഞ്ഞു.
സംഭവത്തെ തുടർന്ന് കെഎസ്ഇബി ജീവനക്കാർ മെഡിക്കൽ കോളജ് പൊലീസിൽ പരാതി നൽകി.
