തിരുവനന്തപുരം: തിരുവനന്തപുരത്ത് 'ഓപ്പറേഷന് തണ്ടര്' പരിശോധനയില് വന് ലഹരിവേട്ട. തമ്പാനൂര് ജുമാ മസ്ജിദ് റോഡില് വെച്ച് വാണിജ്യാടിസ്ഥാനത്തില് വില്പ്പനയ്ക്കായി കൊണ്ടുവന്ന 11.51 ഗ്രാം എം.ഡി.എം.എയുമായി രണ്ട് യുവാക്കളെ എക്സൈസ് സ്പെഷ്യല് സ്ക്വാഡ് അറസ്റ്റ് ചെയ്തു.
പട്ടം ഗൗരീശപട്ടം സ്വദേശി അര്ജുന്. ആര് മനോജ് (26), വട്ടിയൂര്കാവ് വേറ്റിക്കോണം സ്വദേശി ആതിഷ്. എസ് (30) എന്നിവരാണ് പിടിയിലായത്. പ്രതികള് സഞ്ചരിച്ചിരുന്ന ആതിഷിന്റെ ഉടമസ്ഥതയിലുള്ള റോയല് എന്ഫീല്ഡ് ബുള്ളറ്റും,
എക്സൈസ് സംഘം കസ്റ്റഡിയിലെടുത്തിട്ടുണ്ട്. തിരുവനന്തപുരം ഡിവിഷന് എക്സൈസ് എന്ഫോഴ്സ്മെന്റ് ആന്ഡ് ആന്റി നാര്ക്കോട്ടിക് സ്പെഷ്യല് സ്ക്വാഡ് എക്സൈസ് സര്ക്കിള് ഇന്സ്പെക്ടര് അരുണ് അശോകിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
പിടിയിലായ പ്രതികളില് അര്ജുന് മുന്പും മയക്കുമരുന്ന് കേസില് പ്രതിയാണെന്ന് എക്സൈസ് വ്യക്തമാക്കി. ഇതേ ഓഫീസില് രജിസ്റ്റര് ചെയ്ത കേസിലെ പ്രതിയായ ഇയാള്ക്ക് കഴിഞ്ഞ ജൂണ് മാസത്തിലാണ് ജാമ്യം ലഭിച്ചത്. ജാമ്യത്തില് കഴിഞ്ഞുവരുന്നതിനിടയിലാണ് അര്ജുന് വീണ്ടും വന്തോതില് മയക്കുമരുന്ന് വില്പ്പനയ്ക്കായി എത്തിയത്.
തമ്പാനൂരും പരിസരപ്രദേശങ്ങളിലും വ്യാപകമായി മയക്കുമരുന്ന് കൈമാറ്റം നടക്കുന്നുണ്ടെന്ന രഹസ്യവിവരത്തെ തുടര്ന്ന് എക്സൈസ് സംഘം ഈ മേഖലയില് നിരന്തരം നിരീക്ഷണം നടത്തിവരികയായിരുന്നു.
ലഹരിവില്പ്പനയുമായി ബന്ധപ്പെട്ട് പരാതികള് ഉയര്ന്നുവരുന്ന സ്ഥലങ്ങളെ പ്രത്യേക 'ഹോട്ട്സ്പോട്ടുകള്' ആയി തിരിച്ച് പ്രത്യേക ടീമുകളെ നിയോഗിച്ചാണ് എക്സൈസ് നിരീക്ഷണം ശക്തമാക്കിയിരിക്കുന്നത്.
ഇതിന് പുറമെ സംസ്ഥാന എക്സൈസ് കമ്മീഷണറുടെ നിര്ദ്ദേശാനുസരണം ഹൈവേ പെട്രോളിങ്ങിന്റെ ഭാഗമായും പ്രത്യേക പരിശോധനകള് നടന്നുവരുന്നുണ്ട്.
