തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധിക്ക് പരിഹാരമായി വൈദ്യുതി വാങ്ങാന്‍ ടെന്‍ഡര്‍ വിളിച്ച് കെഎസ്ഇബി.
ജനുവരി മുതല്‍ മെയ് വരെ വാങ്ങാനാണ് ടെന്‍ഡര്‍ വിളിച്ചത്.
വിവിധ സമയങ്ങളിലേക്ക് 300 മുതല്‍ 1300 മെഗാവാട്ട് വരെയാണ് വൈദ്യുതി വാങ്ങുക.
വൈദ്യുതി പ്രതിസന്ധി കണക്കിലെടുത്താണ് മുന്‍കരുതല്‍.
ജനുവരിയില്‍ 2400 മെഗാവാട്ടിനാണ് ടെന്‍ഡര്‍.
ഫെബ്രുവരിയില്‍ 2700 മെഗാവാട്ടും മാര്‍ച്ചില്‍ 3000 മെഗാവാട്ടും വാങ്ങാനാണ് ശ്രമം.
ഏപ്രില്‍, മേയ് മാസങ്ങളില്‍ 3900 മെഗാവാട്ട് വീതം വാങ്ങാനാണ് ടെന്‍ഡര്‍ വിളിച്ചത്.
കനത്ത മഴക്കുറവ്, അണക്കെട്ടുകളിലെ വെള്ളം കുറഞ്ഞത്, പവര്‍ ഉല്‍പ്പാദനത്തിലുണ്ടായ 80 ശതമാനത്തിന്റെ കുറവ്,
ദേശീയ വൈദ്യുതി വിപണിയില്‍ ആവശ്യത്തിന് വൈദ്യുതി ലഭ്യമാകാതിരുന്നത് എന്നിവയെല്ലാം കഴിഞ്ഞ ചില മാസങ്ങളായി സംസ്ഥാനത്ത് വലിയ വൈദ്യുതി പ്രതിസന്ധി സൃഷ്ടിച്ചിരുന്നു.
മഴ കുറഞ്ഞത് മൂലം കഴിഞ്ഞ വര്‍ഷത്തേക്കാള്‍ വൈദ്യുതി ഉപയോഗത്തില്‍ ആയിരം മെഗാവാട്ടിന്റെ വര്‍ധനവ് ഉണ്ടായത് വൈദ്യുതി ഉല്‍പ്പാദനക്കുറവിലേക്കും അതുവഴി പവര്‍ക്കട്ടിലേക്കും വഴിവച്ചിരുന്നു.
കഴിഞ്ഞ കുറച്ച് ദിവസങ്ങളിലായി സംസ്ഥാനത്ത് പരക്കെ മഴ ലഭിച്ചതിനാല്‍ വൈദ്യുതി ആവശ്യകത കുറഞ്ഞതോടെ പവര്‍ കട്ടും ഇല്ലായിരുന്നു.
ടെന്‍ഡര്‍ വിളിച്ച് അധിക വൈദ്യുതി കൂടി വാങ്ങുന്നതോടെ സംസ്ഥാനത്തിന് ആവശ്യമായ വൈദ്യുതി ലഭ്യമാക്കാനാവും.
അതേസമയം, സംസ്ഥാനത്തെ വൈദ്യുതി പ്രതിസന്ധിക്ക് പരിഹാരമൊരുക്കാന്‍ എന്‍ടിപിസി ലിമിറ്റഡിന്റെ പിന്തുണ ലഭിച്ചതായി മന്ത്രി സണ്ണി ജോസഫ് ഇന്നലെ വ്യക്തമാക്കിയിരുന്നു.
കായംകുളത്ത് 2000 മെഗാവാട്ട് ശേഷിയുള്ള ബാറ്ററി എനര്‍ജി സ്റ്റോറേജ് സിസ്റ്റം നടപ്പാക്കാന്‍ കെഎസ്ഇബിയും
എന്‍ടിപിസിയും ഉടന്‍ ധാരണാപത്രം ഒപ്പുവെക്കുമെന്നും അദ്ദേഹം പറഞ്ഞിരുന്നു.
