കൊല്ലം: ജോലിക്കിടെ ഷോക്കേറ്റ് ലൈൻമാന് ദാരുണാന്ത്യം. പന്മന ചോലത്തറയില് പീടികയില് അല്ത്താഫ് (48) ആണ് മരിച്ചത്. കഴിഞ്ഞ ദിവസം ഉച്ചയോടെയായിരുന്നു അപകടം.
പുത്തൂർ ആറ്റുവാശ്ശേരിയിലെ ഒരു വീട്ടില് വൈദ്യുത തകരാർ പരിഹരിക്കുന്നതിനായാണ് അല്താഫ് എത്തിയത്. സമീപത്തെ പോസ്റ്റില് കയറി സർവീസ് വയർ പുനസ്ഥാപിക്കുമ്പോള് ആണ് ഷോക്കേറ്റത്. പുത്തൂർ പൊലീസും കൊട്ടാരക്കരയില്നിന്ന് ഫയർ ആൻ്റ് റെസ്ക്യു ടീമും ചേർന്ന് രക്ഷപ്പെടുത്താൻ ശ്രമിച്ചെങ്കിലും ഫലമുണ്ടായില്ല.
പുത്തൂരിലെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഭാര്യ: ഷീജ, മകൻ: മുഹമ്മദ് അൻസില് മകള്: നസ്റിയ.
