കോട്ടയം : കോട്ടയം പോര്ട്ടില് നിന്നും വിഴിഞ്ഞത്തേക്ക് ആദ്യ കണ്ടെയ്നര് പുറപ്പെട്ടു. കസ്റ്റംസ് അസിസ്റ്റന്റ് കമ്മിഷണര് വിജയകുമാര് വിആര് ഫ്ലാഗ് ഓഫ് ചെയ്തു. കോട്ടയത്തിന്റെ തന്നത് ഉത്പന്നമായ റബറില് ഉണ്ടാക്കിയ മാറ്റുകള് ആണ് കാനഡയിലെ ടൊരൊന്റോ പോര്ട്ടിലേക്ക് കെപി ഗ്രൂപ്പ് ഓഫ് ഇന്ഡസ്ട്രിസ് കയറ്റുമതി ചെയ്യുന്നത്.
കൊച്ചി പോര്ട്ടില് നിന്നു അയക്കുന്നതിനേക്കാള് മൂവായിരം ഡോളര് കുറവാണെന്ന് എക്സ്പോര്ട്ടര് പറഞ്ഞു. ബോംബെ ആസ്ഥാനമായ ടീം വേള്ഡ് ലോജിസ്റ്റിക്സ് ആണ് ഫോര്വേഡര്. കൊച്ചിയിലെ പ്രമുഖ കസ്റ്റംസ് ഹൌസ് ഏജന്റ് അഞ്ചേരില് ഏജന്സിസ് ആണ് ക്ലിയറന്സ് കാര്യങ്ങള് കൈകാര്യം ചെയ്തത്. കോട്ടയത്തെ കയറ്റുമതി ഇറക്കുമതിക്കാര്ക്ക് ഇനി ചിലവ് കുറഞ്ഞ രീതിയില് വിഴിഞ്ഞം വഴി വിടാന് സാധിക്കും എന്ന് മാനേജിങ് ഡയറക്ടര് എബ്രഹാം വര്ഗീസ് പറഞ്ഞു.
കേരളത്തില് നിന്ന് മാത്രമല്ല അയല് സംസ്ഥാനങ്ങളില് നിന്ന് പോലും വരും ദിനങ്ങളില് കയറ്റുമതി, ഇറക്കുമതി സേവനഅതിനായി കോട്ടയം പോര്ട്ടിനെ സമീപിച്ചു തുടങ്ങിയെന്നു ജനറല് മാനേജര് രൂപേഷ് ബാബു അറിയിച്ചു. ഫ്ലാഗ് ഓഫ് ചടങ്ങില് പോര്ട്ട് സൂപ്രണ്ട് റെജി, ഇന്സ്പെക്ടര് ടിറ്റില് മാത്യു എന്നിവര് പങ്കെടുത്തു.
