കോട്ടയം : 125 ആ മത് കോട്ടയം താഴത്തങ്ങാടി മത്സര വള്ളംകളിയും, ചാമ്പ്യൻസ് ബോട്ട് ലീഗും ഒക്ടോബർ 24 ശനിയാഴ്ച താഴത്തങ്ങാടി ആറ്റിൽ നടക്കും. കോട്ടയം വെസ്റ്റ് ക്ലബ്ബിന്റെ ആഭിമുഖ്യത്തിൽ, ജില്ലാ ടൂറിസം വകുപ്പ്, കോട്ടയം നഗരസഭ, തിരുവാർപ്പ് പഞ്ചായത്ത് എന്നിവരുടെ സഹകരണത്തോടെയാണ് വള്ളംകളി സംഘടിപ്പിക്കുന്നത്. സി. ബി. എൽ മത്സരങ്ങൾക്കായി, നെഹ്റു ട്രോഫി മത്സരത്തിലെ ആദ്യ സ്ഥാനക്കാരായ 9 പ്രമുഖ ചുണ്ടൻവള്ളങ്ങൾ കിരീട പോരാട്ടങ്ങൾക്കായി അണിനിരക്കും.
കേരളത്തിലെ അതി പുരാതന വള്ളംകളിയായ താഴത്തങ്ങാടി മത്സര വള്ളംകളി ഈ വർഷം 125 ആ മത് വള്ളംകളി ആയാണ് സംഘടിപ്പിക്കുന്നത്. താഴത്തങ്ങാടിയിൽ പ്രത്യേകതയായി ചുണ്ടൻ വള്ളങ്ങളെ കൂടാതെ ചെറുവള്ളങ്ങളായ ഇരുട്ടുകുത്തി, വെപ്പ്, ചുരുളൻ വള്ളങ്ങൾ മത്സരങ്ങൾക്കായി അണിനിരക്കും.
വള്ളംകളിയുടെ പ്രവർത്തനങ്ങൾ സെപ്റ്റംബർ 27 ഞായറാഴ്ച വൈകുന്നേരം 5.30 ന് ബഹു. നിയഭസഭ സ്പീക്കർ ശ്രീ. തിരുവഞ്ചൂർ രാധാകൃഷ്ണൻ ഉത്ഘാടനം ചെയ്യും. ഫ്രാൻസിസ് ജോർജ് എം പി, നാട്ടകം സുരേഷ് എം എൽ എ, മുനിസിപ്പൽ ചെയർമാൻ എം പി സന്തോഷ് കുമാർ തുടങ്ങി സാംസ്കാരിക നേതാക്കന്മാർ ഉത്ഘാടന ചടങ്ങിൽ പങ്കെടുക്കും.
ലിയോ മാത്യു,
ജനറൽ സെക്രട്ടറി
താഴത്തങ്ങാടി മത്സര വള്ളംകളി
ഫോൺ : 9605323272
