ലയൺസ് ക്ലബ് ഓഫ് കോട്ടയം സെൻട്രലിന്റെ ആഭിമുഖ്യത്തിൽ ഓണാഘോഷവും കുടുംബ സംഗമവും സംഘടിപ്പിച്ചു;കുമരകം സ്റ്റേഷൻ ഹൗസ് ഓഫീസർ പ്രസാദ് എബ്രഹാം വർഗീസ് ഭദ്രദീപം തെളിയിച്ച് ഉദ്ഘാടനം ചെയ്തു

കോട്ടയം: ലയൺസ് ക്ലബ് ഓഫ് കോട്ടയം സെൻട്രലിന്റെ ആഭിമുഖ്യത്തിൽ ഓണാഘോഷവും കുടുംബ സംഗമവും സംഘടിപ്പിച്ചു.

കുമരകം സ്റ്റേഷൻ ഹൗസ് ഓഫീസർ പ്രസാദ് എബ്രഹാം വർഗീസ് ഭദ്രദീപം തെളിയിച്ച് ഉദ്ഘാടനം ചെയ്തു.

ക്ലബ് പ്രസിഡന്റ് സാജൻ പി. ഗോപാലൻ അധ്യക്ഷത വഹിച്ചു.

പാസ്റ്റ് ഡിസ്ട്രിക്ട് ഗവർണർ പ്രിൻസ് സ്കറിയാ ഓണ സന്ദേശം നൽകി.

​ലയൺസ് ഡിസ്ട്രിക്ട് ഹംഗർ റിലീഫ് പദ്ധതിയുടെ ഭാഗമായി അമ്പതോളം നിർധന കുടുംബങ്ങൾക്ക് 29ന് നടക്കുന്ന ചടങ്ങിൽ ഭക്ഷ്യക്കിറ്റുകൾ വിതരണം ചെയ്യുമെന്ന് ഹംഗർ റിലീഫ് ജില്ല കോ-ഓർഡിനേറ്റർ ജോയ്സ് സ്കറിയ അറിയിച്ചു.

സുപ്ര പസഫിക് ബിസിനസ് ഹെഡ് ഡോ. ദീപക് ഫ്രാൻസിസ് ചടങ്ങിൽ മുഖ്യാതിഥിയായി.

​ബിനു കോയിക്കൽ, ഡോ. തൃപ്തി കെ. നൃപൻ, സണ്ണി തോമസ്, സരിത സി. നായർ എന്നിവർ പ്രസംഗിച്ചു.

മുഹമ്മദ് തൗഫീഖ്, സുനിൽ ജോസഫ്, പി. എസ്. റഹീം, ജ്യോതിഷ് കുമാർ,കൃഷ്ണകുമാർ, അനിൽ കണിയാമല തുടങ്ങിയവർ പരിപാടികൾക്ക് നേതൃത്വം നൽകി.

അംഗങ്ങളുടെയും കുട്ടികളുടെയും വിവിധ കലാകായിക മത്സരങ്ങളും അരങ്ങേറി.