കോട്ടയം: കോട്ടയം പബ്ലിക് ലൈബ്രറി പ്രസിഡന്റും ചില്ഡ്രന്സ് ലൈബ്രറി ചെയര്മാനുമായി വി.ബി. ബിനുവിനെ തെരഞ്ഞെടുത്തു.
പ്രസിഡന്റായിരുന്ന എബ്രഹാം ഇട്ടിച്ചെറിയയുടെ നിര്യാണത്തെ തുടര്ന്ന് ഇന്നലെ ചേര്ന്ന ലൈബ്രറി ഭരണസമിതിയാണ് വൈസ് പ്രസിഡന്റായിരുന്ന
വി.ബി. ബിനുവിനെ പ്രസിഡന്റായും ഭരണസമിതിയംഗമായിരുന്ന ഉമ്മന് സി. വേങ്ങലിനെ വൈസ്പ്രസിഡന്റായും തെരഞ്ഞെടുത്തത്.
കോട്ടയം ബാറിലെ മുതിര്ന്ന അഭിഭാഷകനും ഐപ്സോ ദേശീയ സെക്രട്ടറിയടക്കം വിവിധ സാംസ്കാരിക സംഘടനാ ഭാരവാഹിയുമായ
വി.ബി. ബിനു സിപിഐ ജില്ലാ സെക്രട്ടറിയുമായിരുന്നു. നിലവില് സിപിഐ സംസ്ഥാന കൗണ്സില് അംഗവും എഐടിയുസി സംസ്ഥാന സെക്രട്ടറിയുമാണ്.
സിവില് എന്ജിനിയര് എം.കെ. മിനിയാണ് ഭാര്യ. ജയകൃഷ്ണന് (സീനിയര് മാനേജര് ഡിലോയിറ്റ്, ബംഗളൂരു) ഹരികൃഷ്ണന് (ഡയറക്ടര്, ഗ്ലോബല് ഇന്സൈറ്റ് എംസി സാച്ചി ഇന്തോനേഷ്യ) എന്നിവരാണ് മക്കള്.
