കൊച്ചി: കൊച്ചി വാർട്ടർമെട്രോയില്‍ വീണ്ടും ഒഴിവുകള്‍. താത്കാലിക നിയമനമാണ്. മാനേജർ, ജൂനിയർ ഓഫീസർ, ഫിറ്റർ തുടങ്ങി ഏഴ് തസ്തികകളിലായി 7 ഒഴിവുകളാണ് ഉള്ളത്.
യോഗ്യത, ശമ്പളം തുടങ്ങിയ വിശദാംശങ്ങള്‍ അറിയാം
മാനേജർ (അസെറ്റ്സ്)
ഒരു ഒഴിവ്. ഒരു വർഷത്തേക്കാണ് നിയമനം. പ്രകടനത്തിൻ്റെ അടിസ്ഥാനത്തില്‍ കാലാവധി നീട്ടി നല്‍കും. 20600-46500 രൂപവരെയാണ് ശമ്പളം. ഇപിഎഫ്, ആരോഗ്യ ഇൻഷുറൻസ്, പേഴ്സണല്‍ ആക്സിഡൻ്റ് ഇൻഷുറൻസ് തുടങ്ങിയ ആനുകൂല്യങ്ങളും ലഭിക്കും.
മെക്കാനിക്കല്‍/ഇലക്‌ട്രിക്കല്‍/ഇലക്‌ട്രോണിക്സ് എഞ്ചിനിയറിംഗില്‍ ഡിപ്ലോയാണ് യോഗ്യത. ഇവയില്‍ ബിരുദ യോഗ്യത അഭികാമ്യം. എഞ്ചിനിയറിംഗ് ബിരുദക്കാർക്ക് 8 വർഷത്തെ പ്രവൃത്തിപരിചയവും ഡിപ്ലോമക്കാർക്ക് 10 വർഷത്തെ പ്രവൃത്തിപരിചയവും വേണം. 40 വയസാണ് ഉയർന്ന പ്രായപരിധി.
മാനേജർ (മറൈൻ)
ഒരു ഒഴിവ്. 20600-46500 രൂപവരെയാണ് ശമ്പളം
മെക്കാനിക്കല്‍ / ഇലക്‌ട്രിക്കല്‍ / ഇലക്‌ട്രോണിക്സ് / നേവല്‍ / മറൈൻ / ഷിപ്പ് ബില്‍ഡിങ് ആൻ്റ് ആർക്കിടെക്ചർ എന്നിവയിലേതെങ്കിലും ഒന്നില്‍ എൻജിനീയറിങ് ഡിപ്ലോമ. ബിരുദം അഭികാമ്യം. ബിരുദക്കാർക്ക് 8 വർഷത്തെ പ്രവൃത്തിപരിചയവും ഡിപ്ലോമക്കാർക്ക് 10 വർഷത്തെ പ്രവൃത്തിപരിചയവും വേണം. 40 വയസാണ് ഉയർന്ന പ്രായപരിധി.
മാനേജർ സിസ്റ്റംസ്
ഒരു ഒഴിവ്. 20600-46500 രൂപവരെയാണ് ശമ്പളം
കമ്പ്യൂട്ടർ സയൻസ്, ഇൻഫർമേഷൻ ടെക്നോളജി , ഇലക്‌ട്രോണിക്സ് ആൻ്റ് കമ്യൂണിക്കേഷൻ, ഇലക്‌ട്രിക്കല്‍ ആൻ്റ് ഇലക്‌ട്രോണിക്സ് എന്നിവയില്‍ എഞ്ചിനിയറിംഗ് ഡിപ്ലോമയാണ് യോഗ്യത. ബിരുദവും ബിരുദാനന്തര ബിരുദവും അഭിലഷണീയം.
ഐടി ഇൻഫ്രാസ്ട്രക്ചർ, നെറ്റ്‌വർക്കിങ്, സൈബർ സെക്യൂരിറ്റി, ക്ലൗഡ്, ഡേറ്റാബേസ് അല്ലെങ്കില്‍ സിസ്റ്റംസ് മാനേജ്‌മെന്റ് എന്നിവയിലുള്ള പ്രൊഫഷണല്‍ സർട്ടിഫിക്കേഷനുകള്‍ അധിക യോഗ്യതയായി പരിഗണിക്കും.
40 വയസാണ് ഉയർന്ന പ്രായപരിധി.
ജൂനിയർ ഓഫീസർ (ഫിനാൻസ്)
ഒരു ഒഴിവ്. എം കോം അല്ലെങ്കില്‍ സിഎ അല്ലെങ്കില്‍ സിഎംഎ ബിരുദം. മൂന്ന് വർഷത്തെ പ്രവൃത്തി പരിചയവും ആവശ്യമാണ്. 10750-29000 രൂപയായിരിക്കും ശമ്പളം. 35 വയസാണ് ഉയർന്ന പ്രായപരിധി.
ജൂനിയർ ഓഫീസർ (പ്രൊക്യുയർമെന്റ്)
ഒരു ഒഴിവ്. ബിഇ / ബിടെക് / ബിഎസ്‌സി എന്നിവയില്‍ എഞ്ചിനിയറിംഗ് ബിരുദമോ അല്ലെങ്കില്‍ ലോജിസ്റ്റിക്സ് / സപ്ലൈ ചെയിൻ മാനേജ്‌മെൻ്റ് എന്നിവയില്‍ എഞ്ചിനിയറിംഗോ ഉള്ളവർക്ക് അപേക്ഷിക്കാം. 3 വർഷത്തെ പ്രവൃത്തിപരിചയം.10750-29000 രൂപയായിരിക്കും ശമ്പളം. 35 വയസാണ് ഉയർന്ന പ്രായപരിധി.
ജൂനിയർ ഓഫീസർ (എച്ച്‌ആർ)
ഒരു ഒഴിവ്. എച്ച്‌ആർ , പേഴ്സണല്‍ മാനേജ്‌മെന്റ്, ഇൻഡസ്ട്രിയല്‍ റിലേഷൻസ്, ലേബർ മാനേജ്‌മെന്റ്, ഓർഗനൈസേഷണല്‍ ഡെവലപ്‌മെന്റ് എന്നിവയില്‍ സ്പെഷ്യലൈസേഷനോടുകൂടി എംബിഎ അല്ലെങ്കില്‍ പിജി ഡിപ്ലോമ. മൂന്ന് വർഷത്തെ പ്രവൃത്തിപരിചയം.10750-29000 രൂപയായിരിക്കും ശമ്പളം. 35 വയസാണ് ഉയർന്ന പ്രായപരിധി.
ഫിറ്റർ (എഫ്‌ആർപി)
ഒരു ഒഴിവ്. ഐടിഐയോ ഐടിസിയോ ഉള്ളവർക്ക് അപേക്ഷിക്കാം. 3 വർഷത്തെ പ്രവൃത്തിപരിചയം വേണം. 8700-21100 രൂപയാണ് ശമ്പളം.ഉയർന്ന പ്രായപരിധി 45 വയസാണ്.
അപേക്ഷിക്കാനുള്ള അവസാന തീയതി ഡിസംബർ 2. കൂടുതല്‍ വിവരങ്ങള്‍ക്ക് https://cdn-dev.watermetro.co.in/KWML_INVITES_APPLICATION_FOR_VARIOUS_POSTS_FOR_ITS_OPERATIONS_and_MAINTENANCE_fd54a8364b.pdf
