കോഴിക്കോട്: ആരോഗ്യ വകുപ്പിനെതിരെ മുൻ ആരോഗ്യ മന്ത്രിമാരായ പി.കെ. ശ്രീമതി, കെ.കെ. ശൈലജ, വീണ ജോർജ് എന്നിവർ നടത്തിയ സംയുക്ത വാർത്താസമ്മേളനത്തെ പുച്ഛിച്ചുകൊണ്ട് ആരോഗ്യ മന്ത്രി കെ.മുരളീധരൻ.
തനിക്കെതിരെ നടത്തിയ പരാമർശങ്ങളെ രൂക്ഷമായ ഭാഷയില്‍ പ്രതികരിച്ച കെ മുരളീധരൻ. മുൻ ആരോഗ്യ മന്ത്രിമാരുടെ ആരോപണങ്ങള്‍ക്ക് പുല്ലുവില പോലും നല്‍കുന്നില്ലെന്ന് കോഴിക്കോട്ട് മാധ്യമങ്ങളോട് പറഞ്ഞു.
''ആ മൂന്നു പേരുടെയും സർട്ടിഫിക്കറ്റ് കെ. മുരളീധരന് ആവശ്യമില്ല. ഈ വകുപ്പ് കൊണ്ടു തുലച്ച മൂന്നു പേരാണ് അവർ. അവർ പറഞ്ഞതിനു പുല്ലുവില പോലും നല്‍കുന്നില്ല. അഞ്ചു ലക്ഷത്തിന്റെ മരുന്നിനു പകരം ഇന്ത്യൻ നിർമിതമായ മികച്ച മരുന്ന് എണ്ണായിരം രൂപയ്ക്കാണ് കുട്ടികള്‍ക്ക് കൊടുക്കുന്നത്.
എംബിബിഎസ് പാസായ ഡോക്ടർമാർ ഉള്‍പ്പെടെ ഈ ജനറിക് മരുന്ന് നല്ലതാണെന്നാണ് പറയുന്നത്. ഈ മരുന്നു തന്നെ കൊടുക്കും. കെ.മുരളീധരൻ ഉളളിടത്തോളം കാലം വിദേശ കമ്പനിയെ കയറ്റുന്ന പ്രശ്നമില്ല.
ഞാൻ തന്നെയായിരിക്കും നാലു വർഷവും ആരോഗ്യമന്ത്രി. എന്റെ പാർട്ടിയാണ് അത് തീരുമാനിക്കുന്നത്. അതിനാല്‍ എനിക്ക് ആരുടെയും സർട്ടിഫിക്കറ്റ് ആവശ്യമില്ല'' - കെ. മുരളീധരൻ പറഞ്ഞു.
