തിരുവനന്തപുരം: കഴിഞ്ഞ സർക്കാരിന്റെ കാലത്തെ കിഫ്ബി കടമെടുപ്പില്‍ അന്നത്തെ ധനമന്ത്രി കെ എൻ ബാലഗോപാല്‍ ആശങ്ക പ്രകടിപ്പിച്ചിരുന്നതായി റിപ്പോർട്ട്.
കടമെടുപ്പ് സംസ്ഥാനത്തിന്റെ ധനസ്ഥിതിയെ ബാധിക്കുമെന്ന് ബാലഗോപാല്‍ ചൂണ്ടിക്കാട്ടിയിരുന്നു. ഈ ആശങ്കകള്‍ മറികടന്നാണ് കഴിഞ്ഞ സർക്കാർ കടമെടുപ്പ് നടപടികളുമായി മുന്നോട്ടുപോയതെന്നാണ് വിവരം.
ഇതുസംബന്ധിച്ച്‌ ബാലഗോപാല്‍ എഴുതിയ ഫയല്‍ പുറത്തുവന്നു.
മുൻ ധനമന്ത്രി ആശങ്കകള്‍ അറിയിച്ചിട്ടും മുന്നോട്ട് പോകാൻ തീരുമാനിച്ചത് അന്നത്തെ മുഖ്യമന്ത്രി പിണറായി വിജന്റെ തീരുമാനപ്രകാരമായിരുന്നു. കിഫ്ബി കടമെടുപ്പ് സംസ്ഥാനത്തെ കടക്കെണിയിലാക്കിയെന്നായിരുന്നു വിദഗ്ദ്ധ സമിതിയുടെ കണ്ടെത്തല്‍.
ബാലഗോപാലിന്റെ അഭിപ്രായം വിദഗ്ദ്ധ സമിതി അവരുടെ റിപ്പോർട്ടിന്റെ ഭാഗമാക്കിയിട്ടുണ്ട്.
വായ്പാ തിരിച്ചടവിനും ഏറ്റെടുത്ത പദ്ധതികള്‍ പൂർത്തിയാക്കുന്നതിനുമായി വരുംവർഷങ്ങളിലേക്ക് സംസ്ഥാനത്തിന് കിഫ്ബി വരുത്തിയ ബാദ്ധ്യത 70,415.54 കോടിയെന്ന് വിദഗ്ദ്ധ സമിതി റിപ്പോർട്ട്.
വായ്പാ തിരിച്ചടവ് 2041-42 വരെ തുടരും. ഭൂമി ഏറ്റെടുക്കുന്നതിനുള്ള ചെലവ് കൂടാതെയുള്ള ബാദ്ധ്യതയാണിത്. കഴിഞ്ഞ പത്തു വർഷക്കാലത്തെ കിഫ്ബിയുടെ പ്രവർത്തനം സർക്കാർ വകുപ്പുകളിലെ ഭരണ സംവിധാനത്തെയും ശേഷി വികസനത്തെയും ദുർബലപ്പെടുത്തി.
