തിരുവനന്തപുരം: കിഫ്ബി ഭൂമിയിടപാടുകളില്‍ സമഗ്ര അന്വേഷണത്തിനൊരുങ്ങി സംസ്ഥാന സർക്കാർ.
കണ്ണൂരില്‍ അഞ്ചിരട്ടി വിലക്ക് ഏറ്റെടുത്തത് സിപിഎം ബന്ധമുള്ളവരുടെ ഭൂമി ആണോ എന്നാണ് സംശയം.
വിഷയത്തില്‍ വിജിലൻസ് അന്വേഷണം പ്രഖ്യാപിക്കാനാണ് സാധ്യത.
നിയമനങ്ങളും സ്ഥാനക്കയറ്റവും വാരിക്കോരി നല്‍കിയതും അന്വേഷണത്തിൻ്റെ പരിധിയില്‍ വരും. കിഫ്ബിയുടെ ക്രമക്കേടുകളില്‍ ഗൗരവ പരിശോധന നടത്തുമെന്ന് മുഖ്യമന്ത്രി വിഡി സതീശൻ വ്യക്തമാക്കിയിരുന്നു.
കിഫ്ബിയുടെ ഭൂമി ഏറ്റെടുക്കലില്‍ വൻ ക്രമക്കേടുകള്‍ ഉണ്ടെന്നും കിഫ്ബി വായ്പക്ക് സർക്കാർ ഗ്യാരണ്ടി വേണ്ടെന്ന ധനവകുപ്പ് നിർദേശം മറികടന്നത് റൂള്‍സ് ഓഫ് ബിസിനസ് ലംഘനമാണെന്നും മുഖ്യമന്ത്രി ചൂണ്ടിക്കാട്ടി.
ഭൂമി ഏറ്റെടുക്കലില്‍ പകുതിയിലധികം നടന്നത് കണ്ണൂരില്‍ ആണ്. കണക്കില്‍ കാണിച്ചതിന്റെ പത്തിരിട്ടി പരസ്യചെലവ് ആണെന്നും അദ്ദേഹം വാർത്താ സമ്മേളനത്തില്‍ പറഞ്ഞു.
വിദഗ്ധ സമിതിയുടെ കിഫ്ബി അവലോകന റിപ്പോർട്ടില്‍ ഗുരുതര നിരീക്ഷണങ്ങള്‍ ഉണ്ടെന്ന് ചൂണ്ടിക്കാട്ടിയ മുഖ്യമന്ത്രി ഭൂമി ഏറ്റെടുക്കലില്‍ വൻ ക്രമക്കേടുകള്‍ നടന്നിട്ടുണ്ടെന്നും വ്യക്തമാക്കി.
