കോട്ടയം: കേരള പോലീസ് സൈബർ ഡിവിഷന്റെയും ചിൽഡ്രൻ ആൻഡ് പോലീസ് (CAP) കേരളയുടെയും സംയുക്ത ആഭിമുഖ്യത്തിൽ കുട്ടികൾക്കായി സുരക്ഷിതമായ ഡിജിറ്റൽ ഇടം ഒരുക്കുക എന്ന ലക്ഷ്യത്തോടെ കിഡ് ഗ്ലോവ് (“KID GLOVE – Build a Safer DIGIKAVACH through our Children”) എന്ന പദ്ധതിയുടെ ജില്ലാ തല ഉദ്ഘാടനവും ബാഡ്ജ് വിതരണവും സംഘടിപ്പിച്ചു.
2026 സെപ്റ്റംബർ 28 തിങ്കളാഴ്ച രാവിലെ 10.30ന് കോട്ടയം പോലീസ് ക്ലബ്ബിൽ നടന്ന പരിപാടി കോട്ടയം ജില്ലാ പോലീസ് മേധാവി കെ. എം. സാബു മാത്യു ഐപിഎസ് ഉദ്ഘാടനം നിർവഹിച്ചു.
അഡീഷണൽ പോലീസ് സൂപ്രണ്ട് സജീവ് കെ, നർകോട്ടിക് സെൽ ഡിവൈഎസ്പി U.ശ്രീജിത്ത് സൈക്കോളജിസ്റ്റുകൾ, കൗൺസിലേഴ്സ് കിഡ് ഗ്ലോ പദ്ധതിയുടെ സ്റ്റേറ്റ് കോഡിനേറ്റർ അസിസ്റ്റന്റ് സബ് ഇൻസ്പെക്ടർ ഷെറിൻ വിവിധ വിദ്യാഭ്യാസ സ്ഥാപനങ്ങളിലെ വിദ്യാർത്ഥികൾ അധ്യാപകർ രക്ഷകർത്താക്കൾ തുടങ്ങിയവർ പരിപാടിയിൽ പങ്കെടുത്തു.
കുട്ടികളുടെ സൈബർ സുരക്ഷയെക്കുറിച്ചുള്ള അവബോധം വർധിപ്പിക്കുകയും സുരക്ഷിതവും ഉത്തരവാദിത്തപരവുമായ ഡിജിറ്റൽ ഉപയോഗം പ്രോത്സാഹിപ്പിക്കുകയും ചെയ്യുന്നതാണ് പദ്ധതിയുടെ പ്രധാന ലക്ഷ്യം. കുട്ടികളെ ഡിജിറ്റൽ ലോകത്തെ സുരക്ഷാ വെല്ലുവിളികളെ തിരിച്ചറിയാനും അവയിൽ നിന്ന് സ്വയം സംരക്ഷിക്കാനും പ്രാപ്തരാക്കുന്നതിനൊപ്പം, “Safe Kids | Smart Kids | Secure Kottayam” എന്ന ആശയത്തിലൂടെ സുരക്ഷിതമായ കോട്ടയം എന്ന ലക്ഷ്യത്തിലേക്കുള്ള കൂട്ടായ പ്രവർത്തനത്തിനും പദ്ധതി പ്രചോദനമാകും.
“Instead of building a safer tomorrow, Build a safer DIGIKAVACH through our children” എന്ന സന്ദേശമാണ് പദ്ധതിയിലൂടെ മുന്നോട്ടുവയ്ക്കുന്നത്.
