കൊച്ചി: കണ്ണൂർ അഞ്ചരക്കണ്ടി ഡെന്റല് കോളേജ് വിദ്യാർത്ഥി നിതിൻ രാജിന്റെ മരണവുമായി ബന്ധപ്പെട്ട കേസിലെ പ്രതി ഡോ. റാമിന്റെ അറസ്റ്റിലെ വീഴ്ചയില് സർക്കാരിനെതിരെ രൂക്ഷവിമർശനവുമായി ഹൈക്കോടതി.
കേസില് അന്വേഷണ ഉദ്യോഗസ്ഥനായിരുന്ന ഡി വൈ എസ് പി സുധീർ കല്ലനെ സസ്പെൻഡ് ചെയ്യാത്തതിനെ ചോദ്യം ചെയ്ത കോടതി, ഇയാള് ഇപ്പോഴും സർവീസില് തുടരുന്നത് ആഭ്യന്തര വകുപ്പിന്റെ പരാജയമാണെന്ന് കുറ്റപ്പെടുത്തി.
അന്വേഷണത്തില് വ്യക്തമായ വീഴ്ചയുണ്ടായിട്ടും ഉദ്യോഗസ്ഥനെതിരെ നടപടിയെടുക്കാതെ ചട്ടങ്ങള് പറയുന്ന സർക്കാരിന്റെ നിലപാടില് കോടതി കടുത്ത അമർഷം രേഖപ്പെടുത്തി.
മറ്റ് പല വിഷയങ്ങളിലും ഉടനടി സസ്പെൻഷൻ നടപടികളിലേക്ക് കടന്ന സർക്കാർ ഈ കേസില് നിഷ്ക്രിയത്വം പാലിക്കുകയാണെന്ന് കോടതി ചൂണ്ടിക്കാട്ടി.
