തിരുവനന്തപുരം : എഐസിസി ജനറല് സെക്രട്ടറി കെ.സി. വേണുഗോപാലിനെതിരെ സമൂഹമാധ്യമങ്ങളിലുണ്ടായ സൈബർ ആക്രമണത്തില് അന്വേഷണം നടത്തും.
പ്രതികളെ അറസ്റ്റ് ചെയ്യാൻ ക്രമസമാധന ചുമതലയുള്ള എഡിജിപിക്ക് രമേശ് ചെന്നിത്തല നിർദ്ദേശം നല്കി.
പ്രവീണ്കുമാർ എംഎല്എ നല്കിയ പരാതിയിലാണ് നടപടി. വ്യാജ ഫേസ്ബുക്ക് അക്കൗണ്ടുകള് ഉപയോഗിച്ച് വേണുഗോപാലിനെ അപകീർത്തിപ്പെടുത്താനും പ്രതിച്ഛായ തകർക്കാനും ബോധപൂർവമായ ശ്രമം നടക്കുന്നുണ്ടെന്നാണ് ആരോപണം.
അർജന്റീനയുടെ തോല്വിക്ക് പിന്നില് വരെ കെ.സി. വേണുഗോപാലാണെന്ന് പ്രചരിപ്പിക്കുന്ന തരത്തില് വ്യാജ അക്കൗണ്ടുകള് ഉപയോഗിച്ച് വലിയൊരു റാക്കറ്റ് ഇതിന് പിന്നില് പ്രവർത്തിക്കുന്നുണ്ടെന്നും ഡിസിസി പ്രസിഡന്റ് കെ. പ്രവീണ് കുമാർ ആരോപിച്ചിരുന്നു.
