കൊച്ചി: കരുവന്നൂർ കേസില്‍ പ്രതികളുടെ വിടുതല്‍ ഹർജി പരിഗണിക്കുന്നത് ഡിസംബർ 5ലേക്ക് മാറ്റി. കൊച്ചി പിഎംഎല്‍എ കോടതിയാണ് ഹർജി പരിഗണിക്കുന്നത്.
വാദത്തിനായി പ്രതികള്‍ സാവകാശം തേടി. കരുവന്നൂർ സഹകരണ ബാങ്ക് കള്ളപ്പണ ഇടപാട് കേസില്‍ പാർട്ടിയും സിപിഎം നേതാക്കളുമാണ് വിടുതല്‍ ഹർജി നല്‍കിയത്. കേസില്‍ 64ാം പ്രതി സിപിഎമ്മാണ്. വിചാരണയക്ക് മുൻപ് കേസില്‍ നിന്ന് ഒഴിവാക്കണമെന്നാണ് ആവശ്യം.
കള്ളപ്പണ കേസില്‍ തങ്ങള്‍ക്ക് പങ്കില്ലെന്നും വിചാരണ നടത്താനുള്ള തെളിവില്ലെന്നുമാണ് നേതാക്കളുടെ വാദം. പാർട്ടിയെ കള്ളപ്പണ കേസില്‍ പ്രതിയാക്കാനാകില്ലെന്നും വാദം ഉണ്ട്. ആവശ്യത്തെ എതിർത്ത് ഇഡി സത്യവാങ്മൂലം നല്‍കിയിരുന്നു. തൃശ്ശൂർ ജില്ലാ സെക്രട്ടറിയും കേസിലെ പ്രതികളുമായ എ സി മൊയ്‌ദീൻ, എം എം വർഗീസ്, കെ രാധകൃഷ്ണൻ അടക്കമുള്ളവരാണ് വിടുതല്‍ ഹർജി നല്‍കിയത്.
