കോട്ടയം: പൊൻകുന്നത്ത് കള്ളുഷാപ്പില്‍ നിന്ന് കള്ളുകുപ്പി മോഷ്ടിച്ചു. ഷാപ്പിന്റെ ഭിത്തിയിലെ വിടവിലൂടെ കമ്പി കടത്തിയാണ് കള്ളുകുപ്പി കൈക്കലാക്കിയത്.
മോഷണത്തിന്റെ സിസിടിവി ദൃശ്യങ്ങള്‍ പുറത്തുവന്നു.
രണ്ടുപേർ ചേർന്നാണ് മോഷണം നടത്തിയതെന്നാണ് സംശയം. ഒരാള്‍ കമ്പി ഉപയോഗിച്ച്‌ കള്ളുകുപ്പി എടുക്കുമ്പോള്‍ മറ്റൊരാള്‍ ടോർച്ച്‌ തെളിച്ചുകൊടുക്കുന്നത് ദൃശ്യങ്ങളില്‍ കാണാം. ഭിത്തിയിലെ വിടവിലൂടെ കമ്പി കടത്തി കുപ്പി വലിച്ചെടുക്കുന്ന രീതിയിലായിരുന്നു മോഷണം.
സംഭവത്തില്‍ പൊലീസ് അന്വേഷണം ആരംഭിച്ചു. സിസിടിവി ദൃശ്യങ്ങള്‍ കേന്ദ്രീകരിച്ച്‌ പ്രതികളെ കണ്ടെത്താനുള്ള ശ്രമത്തിലാണ് പൊലീസ്.
