കറുകച്ചാൽ: കറുകച്ചാൽ കേന്ദ്രീകരിച്ച് 500 രൂപ കള്ളനോട്ട് വിതരണം ചെയ്ത യുവാവ് പിടിയിൽ . മല്ലപ്പള്ളി ആനിക്കാട് രണ്ടു പറയിൽ അലക്സ് വാവ എന്നറിയപ്പെടുന്ന അലക്സ് തോമസ് (23) ആണ് അറസ്റ്റിലായത്.
സുഹൃത്തുക്കൾക്ക് കളളനോട്ട് നൽകി മദ്യം വാങ്ങാൻ ശ്രമം നടത്തിയപ്പോഴാണ് കുടുങ്ങിയത്.
. ഇന്നലെ വൈകുന്നേരം മദ്യം വാങ്ങാൻ കറുകച്ചാൽ ബിവറേജസിൽ എത്തിയ ആൾ നൽകിയത് കള്ളനോട്ട് ആണെന്ന സംശയത്തെ തുടർന്ന് പോലീസ് നടത്തിയ നിർണായക അന്വേഷണത്തിനൊടുവിലാണ് പ്രതിയെ പിടികൂടാനായത്.
പിടികൂടിയ പ്രതിയിൽ നിന്ന് 500 രൂപയുടെ 62 കള്ളനോട്ടുകൾ പിടിച്ചെടുത്തു.
മദ്യം വാങ്ങാൻ വന്നയാൾ 500 രൂപ നോട്ടാണ് നൽകിയത്.ബിവറേജസ് ജീവനക്കാർക്ക് സംശയം തോന്നി ആളെ തടഞ്ഞുവച്ച് പോലീസിനെ അറിയിച്ചു. പോലിസ് ആദ്യം നോട്ട് പരിശോധിച്ച് കള്ളനോട്ട് ആണന്ന് സ്ഥിരീകരിച്ചു. അയാളെ ചോദ്യം ചെയ്തപ്പോൾ നോട്ട് സുഹൃത്ത് തന്നതാണ് എന്നായിരുന്നു മറുപടി. ഒട്ടും സമയം പാഴാക്കാതെ സുഹൃത്തിനെ പൊക്കി. അപ്പോഴാണ് നോട്ട് നൽകിയത് അലക്സ് വാവയാണന്ന് അറിഞ്ഞത്. ഉടനെ അയാളുടെ വീട്ടിലെത്തി പിടികൂടുകയായിരുന്നു.
വീട് പരിശോധിച്ചപ്പോൾ 500 രൂപയുടെ 62 നോട്ടുകൾ കിട്ടി.
ഇയാൾക്കെതിരെ മറ്റ് 6 കേസുകൾ നിലവിലുണ്ടന്ന് പോലീസ് പറഞ്ഞു.
നോട്ടിന്റെ ഉറവിടം സംബന്ധിച്ച ചാല സൂചനകൾ പോലീസിന് ലഭിച്ചിട്ടുണ്ട്. പ്രതിയുടെ മൊബൈൽ ഫോണിലെ നമ്പരുകൾ പരിശോധിച്ചു വരികയാണ്.
കറുകച്ചാൽ എസ് ഐ ടി.എസ്.ജയകൃഷ്ണൻ, അഡീഷണൽ എസ്ഐ ജിജു തോമസ്, സി പി ഒ ബ്രിജിത് കൃഷ്ണ, ആന്റണി വിക്ടർ, ജിബിൻ ലോബോ. സ്വരാജ് എന്നിവർ ചേർന്നാണ് കേസ് അന്വേഷിച്ച് പ്രതിയെ പിടികൂടിയത്.
