ശബരിമല: ശബരിമല തീർത്ഥാടന കാലത്ത് ബോധപൂർവ്വം പ്രതിസന്ധി സൃഷ്ടിക്കാൻ ചില ക്ഷുദ്രശക്തികള് ശ്രമിക്കുന്നുണ്ടെന്നും ഭക്ഷണത്തില് പോലും വിഷം ചേർക്കാൻ കെല്പ്പുള്ളവർ ഇക്കൂട്ടത്തിലുണ്ടെന്നും ദേവസ്വം മന്ത്രി കെ മുരളീധരൻ മുന്നറിയിപ്പ് നല്കി.
കഴിഞ്ഞ ദിവസം ശബരിമലയിലെ ടോയ്ലറ്റിലെ വാല്വ് അടച്ചിട്ടതും ഇന്ന് പുലർച്ചെ ഒരാള് ബഹളമുണ്ടാക്കിയതും അടക്കമുള്ള സംഭവങ്ങള് ഗൗരവത്തോടെയാണ് കാണുന്നത്.
പ്രശ്നങ്ങളുണ്ടാക്കുന്നതിന് പിന്നില് രാഷ്ട്രീയമില്ലെന്നും, ടെൻഡർ ലഭിക്കാത്തവരും കച്ചവട താല്പര്യക്കാരുമാണ് ബഹളത്തിന് ഇറങ്ങിയിരിക്കുന്നതെന്നും മന്ത്രി വ്യക്തമാക്കി.
സംഭവത്തില് ദേവസ്വം ബോർഡ് പ്രസിഡന്റ് തന്നെ പൊലീസിനോട് അന്വേഷണം ആവശ്യപ്പെട്ടിട്ടുണ്ടെന്നും, ഇന്റലിജൻസ് വിഭാഗത്തോട് വിഷയം സസൂക്ഷ്മം പരിശോധിക്കാൻ നിർദ്ദേശിച്ചിട്ടുണ്ടെന്നും അദ്ദേഹം അറിയിച്ചു.






