തലശ്ശേരി: മലബാർ ക്യാൻസർ സെന്ററില് വിവിധ തസ്തികകളില് കരാർ അടിസ്ഥാനത്തില് നിയമനം നടത്തുന്നു.
യോഗ്യരായ ഉദ്യോഗാർത്ഥികള്ക്ക് ജൂലായ് 25 വരെ ഓണ്ലൈനായി അപേക്ഷിക്കാം.
ഒഴിവുകളും യോഗ്യതയും
1. അസിസ്റ്റന്റ് പ്രൊഫസർ - കമ്മ്യൂണിറ്റി ഹെല്ത്ത് നഴ്സിംഗ്
കമ്മ്യൂണിറ്റി ഹെല്ത്ത് നഴ്സിംഗില് എംഎസ്സി യോഗ്യത നിർബന്ധം. നഴ്സിംഗില് പിഎച്ച്ഡി, എംഫില് അല്ലെങ്കില് ഗവേഷണ പ്രസിദ്ധീകരണങ്ങള് ഉള്ളവർക്ക് മുൻഗണന ലഭിക്കും. ഉയർന്ന പ്രായപരിധി 40 വയസ്. തെരഞ്ഞെടുക്കപ്പെടുന്നവർക്ക് പ്രതിമാസം 55,000 രൂപ ശമ്പളം ലഭിക്കും.
2. സ്റ്റാഫ് നഴ്സ്
ആകെ 8 ഒഴിവുകള്. ജനറല് നഴ്സിംഗ് ആൻഡ് മിഡ്വൈഫറി യോഗ്യതയും 200 കിടക്കകളില് കുറയാത്ത മള്ട്ടി സ്പെഷ്യാലിറ്റി ആശുപത്രിയില് 3 വർഷത്തെ പ്രവൃത്തി പരിചയവും വേണം. കാൻസർ ചികിത്സാ മേഖലയില് മുൻപരിചയം ഉള്ളവർക്ക് മുൻഗണന. ഉയർന്ന പ്രായപരിധി 40 വയസ്. പ്രതിമാസ ശമ്പളം 32,550 രൂപ.
3. അസിസ്റ്റന്റ് ഫാർമസിസ്റ്റ്
ആകെ 3 ഒഴിവുകള്. ഡി.ഫാം അല്ലെങ്കില് ബി.ഫാം യോഗ്യത നിർബന്ധം. ആശുപത്രി മേഖലയില് പ്രവർത്തിച്ചവർക്ക് മുൻഗണന ലഭിക്കും. ഉയർന്ന പ്രായപരിധി 40 വയസ്. പ്രതിമാസ ശമ്പളം 22,110 രൂപ വരെ.
താല്പ്പര്യമുള്ള ഉദ്യോഗാർത്ഥികള് മലബാർ ക്യാൻസർ സെന്ററിന്റെ ഔദ്യോഗിക വെബ്സൈറ്റ് വഴി ജൂലായ് 25-ന് മുമ്പായി അപേക്ഷ സമർപ്പിക്കണം. നിശ്ചിത യോഗ്യതയും പ്രവൃത്തി പരിചയവും ഉള്ളവർക്ക് മുൻഗണന നല്കും.
കൂടുതല് വിവരങ്ങള്ക്കും അപേക്ഷാ ഫോറത്തിനും മലബാർ ക്യാൻസർ സെന്ററിന്റെ ഔദ്യോഗിക വെബ്സൈറ്റ് സന്ദർശിക്കുക.
