മുണ്ടക്കയം: ഇത്തവണത്തെ ഓണത്തിന് പൂക്കളമൊരുക്കാൻ ഇഞ്ചിയാനി ഗ്രാമവാസികൾക്ക് മറുനാടൻ പൂക്കളെ ആശ്രയിക്കേണ്ട .
മഞ്ഞ വസന്തം ഒരുക്കാന് ഒരുങ്ങുകയാണ് ഇഞ്ചിയാനി ഗ്രാമം.
ഇഞ്ചിയാനി ഹോളി ഫാമിലി ഹൈസ്കൂളിന്റെ മാനേജരും ഇടവക വികാരിയുമായ ഫാ. ജോസഫ് കല്ലൂപ്പറമ്പത്തിന്റെ നേതൃത്വത്തിലാണ് ബന്ദിപ്പൂ കൃഷി ആരംഭിച്ചിരിക്കുന്നത്.
പൂര്ണമായും ജനകീയ പങ്കാളിത്തത്തോടെ പാട്ടത്തിനെടുത്ത 50 സെന്റ് സ്ഥലത്ത് ഹൈബ്രിഡ് ബന്ദിച്ചെടികളാണ് നട്ടിരിക്കുന്നത്.
ഒന്നാം ഘട്ടത്തില് 7500ലധികം ബന്ദി തൈകളാണ് നട്ടുപിടിപ്പിക്കുന്നത്. തൈകളുടെ നടീൽ ഉദ്ഘാടനം ഫാ. ജോസഫ് കല്ലൂപ്പറമ്പത്ത് മുണ്ടക്കയം പഞ്ചായത്ത് അംഗങ്ങളായ ജയിംസ്, റോയി കപ്പല്മാക്കല് എന്നിവര് ചേര്ന്ന് നിര്വഹിച്ചു.
ഇഞ്ചിയാനി ഹോളി ഫാമിലി സ്കൂളിലെ വിദ്യാര്ഥികള്, രക്ഷിതാക്കള്, പൂര്വ വിദ്യാര്ഥികള്,
കര്ഷകര്, വീട്ടമ്മമാര് എന്നിവരെല്ലാം ഈ ഉദ്യമത്തില് പങ്കാളികളാകുന്നുണ്ട്.
ഇവര്ക്ക് പിന്തുണയുമായി നാനാജാതി മതസ്ഥരായ ആളുകളും ജനപ്രതിനിധികളും ഒപ്പമുണ്ട്.
കഴിഞ്ഞ വര്ഷങ്ങളിലും ഓണക്കാലത്ത് സ്കൂള് പരിസരത്ത് സമാനമായ രീതിയില് ബന്ദിപ്പൂ കൃഷി വിജയകരമായി നടത്തിയിരുന്നു.
അന്ന് വിരിഞ്ഞ പൂക്കള് പ്രദേശത്തെ എല്ലാ വിഭാഗം ജനങ്ങള്ക്കും സൗജന്യമായാണ് വിതരണം ചെയ്തത്.
