കൊച്ചി: കേന്ദ്ര സർക്കാരിന് കീഴിലുള്ള സെന്റർ ഫോർ മെറ്റീരിയല്‍സ് ഫോർ ഇലക്‌ട്രോണിക്സ് ടെക്നോളജിയില്‍ ജോലി ഒഴിവ്. തൃശൂരിലാണ് അവസരം.
പ്രൊജക്‌ട് അസോസിയേറ്റ്, പ്രൊജക്‌ട് അസിസ്റ്റൻ്റ് ഒഴിവുകളാണ് ഉള്ളത്. യോഗ്യത, ശമ്പളം തുടങ്ങിയ വിശദാംശങ്ങള്‍ അറിയാം
പ്രൊജക്‌ട് അസോസിയേറ്റ്-I
താത്കാലിക ഒഴിവാണ്. ആകെ മൂന്ന് ഒഴിവുകളാണ് ഉള്ളത്. ഫിസിക്സ്, മെറ്റീരിയല്‍ സയൻസ് അല്ലെങ്കില്‍ നാനോ സയൻസില്‍ ഫസ്റ്റ് ക്ലാസ് അല്ലെങ്കില്‍ 60 ശതമാനം മാർക്കാണ് യോഗ്യത. ജനറല്‍ വിഭാഗത്തിലാണെങ്കില്‍ ഉയർന്ന പ്രായപരിധി 28 വയസാണ്. എസ് സി, എസ് ടി വിഭാഗങ്ങള്‍ക്ക് 33 വയസും ഒ ബി സി വിഭാഗങ്ങള്‍ക്ക് 31 വയസും. തിരഞ്ഞെടുക്കപ്പെടുന്നവർക്ക് പ്രതിമാസം 30,000 രൂപയും എച്ച്‌ആർഎയുമാണ് ലഭിക്കുക.
പ്രൊജക്‌ട് അസിസ്റ്റൻ്റ്-I
താത്കാലിക ഒഴിവാണ്. രണ്ട് ഒഴിവുകളാണ് ഉള്ളത്. ഇലക്‌ട്രിക്കല്‍ എഞ്ചിനിയറിംഗ് അല്ലെങ്കില്‍ മെക്കാനിക്കല്‍ എഞ്ചിനിയറിംഗില്‍ 60 ശതമാനം മാർക്കോടെ അല്ലെങ്കില്‍ ഫസ്റ്റ് ക്ലാസ് ഡിപ്ലോമ. ജനറല്‍ വിഭാഗത്തിലാണെങ്കില്‍ ഉയർന്ന പ്രായപരിധി 28 വയസാണ്. എസ് സി, എസ് ടി വിഭാഗങ്ങള്‍ക്ക് 33 വയസും ഒ ബി സി വിഭാഗങ്ങള്‍ക്ക് 31 വയസും. തിരഞ്ഞെടുക്കപ്പെടുന്നവർക്ക് പ്രതിമാസം 18,000 രൂപയും എച്ച്‌ആർഎയുമാണ് ലഭിക്കുക.
പ്രൊജക്‌ട് കാലാവധി അടിസ്ഥാനപ്പെടുത്തിയാകും നിയമനം. നവംബർ 20 നാണ് പ്രൊജക്‌ട് അസോസിയേറ്റ് തസ്തികയില്‍ അഭിമുഖം. അസിസ്റ്റൻ്റഅ തസ്തികയിലുള്ള അഭിമുഖം 23 നാണ് നടക്കുക. തൃശൂരിലെ സി-മെറ്റ് ഓഫീസിലാണ് അഭിമുഖത്തിനായി എത്തിച്ചേരേണ്ടത്.
അപേക്ഷകർ യോഗ്യത, വയസ്സ്, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളും അവയുടെ പകർപ്പുകളും ഒരു പാസ്‌പോർട്ട് സൈസ് ഫോട്ടോയും കരുതണം. കൂടാതെ വയസ് ഇളവ് ആവശ്യപ്പെടുന്നുണ്ടെങ്കില്‍ അത് സംബന്ധിച്ച രേഖകളും സമർപ്പിക്കണം. എഴുത്തുപരീക്ഷയിലൂടെയും കമ്മിറ്റിയുടെ പരിശോധനയിലൂടെയും തിരഞ്ഞെടുത്തവരെ മാത്രമായിരിക്കും അഭിമുഖത്തിനായി പരിഗണിക്കുക. കൂടുതല്‍ വിവരങ്ങള്‍ക്ക് https://cmet.gov.in/sites/default/files/jobs/walk-in-interview-advt10112026.pdf
കരാർ നിയമനം
എറണാകുളം ജില്ലാ സാമൂഹ്യനീതി വകുപ്പിന് കീഴില്‍ പ്രവർത്തിക്കുന്ന ട്രാൻസ്‌ജെൻഡർ ക്രൈസിസ് ഇന്റർവെൻഷൻ സെന്ററില്‍ ജോലി ഒഴിവ്. കരാർ അടിസ്ഥാനത്തിലാണ് നിയമനം. സെന്റർ കോർഡിനേറ്റർ, കമ്മ്യൂണിറ്റി കൗണ്‍സിലർ തസ്തികകളിലാണ് ഒഴിവ്.
സെന്റർ കോർഡിനേറ്റർ നിയമനത്തിന് പിജിയാണ് യോഗ്യത. പ്രവൃത്തി പരിചയമുള്ള ട്രാൻസ്‌ജെൻഡർ വ്യക്തികള്‍ക്ക് മുൻഗണന. കമ്മ്യൂണിറ്റി കൗണ്‍സിലർക്ക് ബിരുദമാണ് യോഗ്യത. കൗണ്‍സിലിംഗ് മേഖലയില്‍ പ്രവൃത്തി പരിചയമുള്ള ട്രാൻസ്‌ജെൻഡർ വ്യക്തികള്‍ക്ക് അപേക്ഷിക്കാം. നവംബർ 15 വൈകിട്ട് അഞ്ചിനകം ജില്ലാ സാമൂഹ്യനീതി ഓഫീസ്, സിവില്‍ സ്റ്റേഷൻ, കാക്കനാട്, പിൻ - 682030 വിലാസത്തില്‍ അപേക്ഷ സമർപ്പിക്കണം. വിവരങ്ങള്‍ക്ക് : 0484 2425377
