ചെന്നൈ: പ്രശസ്ത സംഗീത സംവിധായകന്‍ അനിരുദ്ധ് രവിചന്ദറും സണ്‍റൈസേഴ്‌സ് ഹൈദരാബാദ് സഹഉടമയുമായ കാവ്യ മാരനും വിവാഹിതരായി.
ഗ്രീസില്‍ വെച്ചാണ് ഇരുവരും വിവാഹിതരായത്. വിവാഹത്തിന്റെ ചിത്രങ്ങള്‍ അനിരുദ്ധ് തന്റെ സോഷ്യല്‍ മീഡിയ പേജില്‍ പങ്കുവെച്ചിട്ടുണ്ട്.
രജനീകാന്ത്, എംകെ സ്റ്റാലിന്‍ അടക്കം നിരവധി പ്രമുഖരാണ് ഗ്രീസിലെ ഡെസ്റ്റിനേഷന്‍ വിവാഹത്തില്‍ പങ്കെടുക്കാന്‍ എത്തിയത്.
നവംബര്‍ 10നും 11നും രണ്ട് ദിവസങ്ങളിലായിട്ടാണ് വിവാഹ ചടങ്ങുകള്‍ നടന്നത്. ഗ്രീസിലെ വിവാഹത്തിന് ശേഷം നവംബര്‍ 21ന് ചെന്നൈയില്‍ വെച്ച്‌ അനിരുദ്ധും കാവ്യയും ചേര്‍ന്ന് സുഹൃത്തുക്കള്‍ക്കും ബന്ധുക്കള്‍ക്കുമായി റിസപ്ഷന്‍ സംഘടിപ്പിക്കുന്നുണ്ട്.
പ്രധാനമന്ത്രി നരേന്ദ്ര മോദി, കോണ്‍ഗ്രസ് നേതാക്കളായ സോണിയാ ഗാന്ധി, രാഹുല്‍ ഗാന്ധി, പ്രിയങ്കാ ഗാന്ധി, നിരവധി മുഖ്യമന്ത്രിമാര്‍, സിനിമാ രംഗത്തെ പ്രമുഖര്‍ എന്നിവടക്കം അതിഥികളുടെ പട്ടികയിലുണ്ട്.
